Jek kotor anda romano filmo "Papusza". Prinstscreen Rikard Jansson SR International
Internationalno

Göteborgs filmfestival vazden e romengi situacia ande Europa

Kamas te vazdas e romengi situacia..
5:35 min

Ruskisko fokuso, svediska premierura thaj jek honorovo nagroda le pinziarde aktoroske o Ralph Fiennes anda Baribrittania. Kado si ferik jek kotor anda kodo kaj si te avel po Göteborgs filmfestival kaj lelpe kado parashtuj o 24 januari. Ferik ke kado bersh si vi jek kaver specialno tema ando festivalo.

Von site vazden e romengi situacia ande Europa kusa lengo kotor ando programmo kaj bushol "romska bilder" vaj romane patretura. Kothtar site sikaven von filmura kherde katar rom, thaj vi filmura kaj kherde katar kaver manush kaj vazden e romani kultura vaj kaj sikaven e romengi situacia. Jek anda filmura si e "Papusza" o filmo pa e romani poetka e Bronislawa Wajs.

O Jonas Holmberg si biträdande konstnärlig ledare ando festivalo:

- E historia sostar ame kherdam kado specialno sektion si ke ame samas brigake anda e situacia kaj e rom nakhen ande but kotora ande Europa thaj e diskriminacia kaj von nakhen. Thaj ame kamas te vazdas kado pushipe po festivalo, thaj sikavas shtar filmura thaj jek paketo kusa skurti filmura kaj sikavasa angla sako filmo. Thaj e "papusza" si jek anda filmura kaj site sikavas, phenel o Jonas Holmberg.

O Göteborg International Film Festival zial de katar o 24 januari zi kaj o 3 februari, thaj paschi 500 filmura site sikaven. Thaj sar mindik avla svediska premierura, avrithemutne filmura ande diferetni kategoriji thaj pherdo nagrodi.

Ferik ke o Jonas Holmberg phenel ke le romenge ande filmoski luma naj letko, thaj ke naj kade but romane filmura sar kaj trobusardov.

- Jek problemo le romenge filmongi industria si ke naj but filmura kah si kherde katar rom. Pahres si e romenge te len kodol poziciji kaj trobuj ande filmongi luma. Thaj de pari bersh kodoleske kerdzilas jek organizacija kaj bushol "International Roma Film Commisson"  kaj si kherdo le romenege te del supporto pe romane filmura, phenel o Jonas Holmberg.

Sako bersh si fokus pe jek them ando festivalo. Thaj kado bersh si e Russia o them ande centrum. E tema dichol pe kadale bershesko affischo, kaj si kherdo katar e regim-kriticno gruppa Pussy Riot thaj thela festivalo site sikaven rusiska dukumentera, filmura thaj seminariji.

Ferik ke soj o gindo ke le romane filmura site sikaven? Thaj so birin le manush kaj dikhen le o te len pesa kana zial avri anda kino. O Jonas Holmberg pale

- But anda filmura si pa kodo ke le rom nakhen violencia thaj diskriminacia ande Europa. Thaj ame kamas te vazdas kadi diskussia, thaj te phenas kadal historiji kaj si zurales zurale. Thaj amari nadzea si ke e manush arakhena o filmo Pausza thaj laki poezia, phenel o Jonas Holmberg anda Göteborgs filmfestival.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".