1 av 4
Romani Rose si shefo pa e romengi dokumentacia pa o "Sa mudaripe" thaj shefo ando Kulturako centro ando Heidelberg, Njamco
2 av 4
Romani Rose
3 av 4
Romani Rose ando bersh 1981
4 av 4
Pe jekh ceremonia

Romani Rose

Romani Rose
5:11 min

Romani Rose arakhadjilas ando bersh 1946 ando foro Heidelberg ando Njamco. Vov hasardas 13 manushen anda peski familja ande diferentne koncentraciake lagera thaj kado kerdas ke vov mardas pe anda kadi historia. Romani Rose kerdas but buchi te vazdel e chachimata khaj e Sinti thaj e Rom thaj te vazdas e bisterdi historia pa Holocaust.

Aba ande 1970 marlas pe vov te aven e Sinti thaj e Rom pindjarde sar marimaske victimi, thaj sas vi alosardo ando bersh 1982 sar sherutno ande Centralno consilja thaj vov sas vi hamislo ande buchi kana e rom sas pindjarde sar victimi Kana o purano njamcicko Kansler Helmut Kohl pindjardas e Sinti thaj Romen sar victimi tela o Holocaust ando bersh 1982.

1991 ashilas vov sherutno ande Dokumentaciako thaj kulturako centro pa njamcicka Sinti thaj Rom, thaj vov sas vi hamislo ande buchi kana e Sinti thaj e Rom ashile jekh nationalno minoeriteto ando Njamco ando bersh 1995.

Romani Rose si pindjardo ande intrego ljuma anda peski buchi prociv rasismo, diskriminatcia thaj buchiasa te rodel kompenzacia e manushenge so nakle o dujto ljumako maripe.

Romani Rose das vi insperatcia bute kavere romenge thaj sintonge insperatcia thaj zor te keren buchi pa kado pushipe.

Numa vi te sas but buchi kerdi thaj kerel pe maj dur pa historia nashtik te mukhel pe kodo so kerel pe adjes, phenel o Romani Rose.

Vazno si te kerel be buchi maj dur a demokratciasa te birin vi amare vnukura thaj pra vnukura te trajin maj feder. Ke vi te sas pasha 70 bersh musaj e manush te seren kodo so kerdas pe te na kerdjiol pe kado po dujto, phenel o Romani Rose.

Kana si e memoratcia inkerdi pa intrego ljuma 27 januari pa holocaust vorbij pe but pa zidevura thaj e vorba naj kasavi bari pa e rom.

Numa kade chi trobuj te avel ke o Njamco pindaradas ke vi e Sinti thaj e Rom sas mudarde tela kadi vrama phenel o Romani Rose. Nashtik te bistrel pe ke but bersh nas e rom pindjarde ande holocaust, thaj e situatcia parudjilas ke akanak si pindjardo ke 500 000 Sinti thaj Rom si pindjarde sar victimi tela o maripe thaj jekh kaver buchi so si vazno si kodo te na shiol pe klassi pe manush so mule feri te dikhel pe maj angle.

Romani Rose chi kamel te avel jekh maripe mashkar e victimoske gruppi te phenel pe save maj but mule thaj kon naklas maj but choripe. Djanel pe ke but manush mule thaj djanel pe pala fakti pala e dokumetatci ke 6 miljonura zidevura sas mudarde thaj ke 500 000 sinti thaj rom sas mudarde.

E sintongo thaj romengo holocausto si sa kodo holocausto sar zidevongo ke e ideologia sas sa kodi. Sel duj grupi sas te hasajven. Naj heriarkia ande kado thaj nashtik te kerel pe jekh hirarkia mashkar e victimi, kado si vazno te phenel pe, phenel o Romani Rose.

Vi te phenen diferentne organizatci ke maj but sinti thaj rom mule thaj si siffri zhi khaj 2 miljonura naj kodo dokumntovano ande lila thaj kodo kerel ke phares bute manushenge te len kado karing pende ke naj dokumentatcia pe kodo thaj kodo kerel ke naj chachi historicno fakta ande bute manushenge jakha.

Anda kodo si kodol so phenen ke e bare sifri si spekulatci.

Thaj kana vorbij pe pe sifri hasajven e Sinti thaj e rom ande anonymiteto thaj kade nashtik te avel, phenel o Romani Rose ke siffri si jekh numa o acharipe si kaver.

Me chi dikhav pe kadal sifri, me djanav ke muro papo, muri mami, mure nanura thaj bibia mule ande kadal thana thaj e murmunci si sa kasave amare sar kaverenge.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".