nationalno

Afroshvedanura nakhen nasulipe ando Shvedo

Afroshvedanura
2:47 min

Adjes muklas Mångkulturellt centrum jekh rapporto so sas lendar manglo khatar o regeriungo. Kote skrij pe ke e e Afrosvenskar si kodi grupa so nakhen maj hatbrot, kriminalne xenophobiake bucia kerel pe maj but pe lende. Pala kado raporto djanel pe maj but akanak sar o rasismo thaj nasulipe si karing kale manush ando Shvedo.

Afrosvenskar si jekh, anda kodol maj marganisovane grupi ande but marketi sar buciake thaj kherengo marketi phenel o Tobias Hubinette so si roditroti po Mångkulturellt centrum thaj sas vi jekh anda kodo so kerdas buchi kadale raportosa.

Kana dikhel pe pe buchia so si opre dine khaj e policia, anmälda hatbrott ando bersh 2012 sikadjiol pe ke 17 procenti anda 4000 buchia sas afrofobicne. Nasulipe sas sikado thaj kerdo karing manush so si kale, sikavel statestika khatar Brå, brottsförebyggande rådet. Maj but buchia sas pa darajimata thaj nasulipe - ofredande.

O raporto sikavel vi kodo ke naj but buchia opre dine khaj e policia ke naj dosta pacape ande Shvedicko policia thaj e krisake - rättsväsende.

But afrosvedanura nakhen vi sako djesesko rasismo khaj shunen nasulimata doshasa ke von si kale, phenel jekh kaver anda e skiritora khaj o raporto e Victoria Kawesa.

Fn:s rasdriskiminerinskommitte das butivar kritika e Shvedos anda kodo ke naj jekh zurali sikadi strategia sar te malavel pe tele kadal kriminalne xenophobiake nasulimata - hatbrott.

Akanak den e skiritora rekomendatci e regeriungos te kerel pe jekh initiativa te kerel pe jekh informatciaki kampanja pa diskriminatcia thaj rasismo karing kale manush te birin kadal manush te djanen penge chachimata thaj te djanen vi e kaver manush sar si e situatcia ando Shvedo, phenel e Victoria Kawesa.

Kado raporto sikavel vi kodo ke e rom si chores dikle, ke kana e skiritora dikhenas sar dikhen manush pe diferentne grupi dikhelas pe maj chores pe somaltsura thaj pala e somaltsura dikhel pe maj chores pe rom.

Jekh kaver buchi so sas skirisardo ando raporto sas vi kodo ke e afrosvenskar thaj e rom nakhen nasulimata na feri khatar e shvedanura feri vi khatar kaver imigrantura so trajin ando Shvedo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".