Ljumako djes po cancer

Cancer
3:12 min

Adjes si Världscancerdagen o djes khaj ljumaki sastimaski organizatcia - Världshälsoorganisationen, WHO vazdas opre te kerel pe preventivno buchi karing cancer.

Adjes del WHO pesko raporto World Cancer report khaj phenel ke zurales sigo barol o cancer ande ljuma thaj trobuj te malavel pe tele buchia so keren cancer sar alkoholo, tobako, za but cukro thaj fetma phenel e Elizabeth Johansson so si sakkunig po Svenska Cancerfonden. 

Elizabeth Johansson vorbij ke maj but manush nasvajvena ande cancer zhi khaj o bersh 2032, pe duvareste maj but sar khaj si akanak.

Adjes ginavel pe ke 14 miljonura nasvajven ando cancer ande intrego ljuma thaj ando bersh nasvajvena karing 25 miljonura manush.

Kana dikhel pe kechi manush si nasvale ando cancer adjes ande ljuma si e sifra pe 32,6 miljonura thaj karing 8 miljonura manush meren sako bersh ando cancer.

Chore thema thaj kodol so si ekcera maj barvale - medelinkomstländer tordjion akanak angla jekh bari buchi, numa e bari buchi aven vi pe maj barvale thema, skrij WHO.

Ando Shvedo raportulisajlas ando bersh 2012 ke 57 270 manush line jekh nasul forma anda cancer - elakartat cancer thaj anda kadal line 45 413 djene e diagnosa angluni data ande pesko trajo.

E maj normalne formi ando cancer si kolinesko cancer e djuvliange thaj prostata cancer e murshenge feri o cancer so mudarel maj but si bokhengo cancer.

Elizabeth Johansson anda Cancerfonden phenel ke but anda kadal nasvalimata shaj te malavel pe tele thaj sa kade phenen e expertura khatar o WHO.

Preventcia shaj te kerel pe kana trajij pe maj sastes thaj ghindoj pe sar trajij pe.

Te na pel pe civari, te pel pe but alkoholo, thaj te trenulij o manush.

O raporto sikavel vi kodo ke maj lashi medicina si pe kadal nasvalimata ande uni thema sar shvedo thaj ke e manush birin te trajin lungo trajo vi te si len kado nasvalipe numa o raporto sikavel vi kodo ke ande maj chore thema meren maj but manush khatar kadal nasvalimata ke naj dosta resursura ande maj chore thema te arakhel pe o nasvalipe pe vrama thaj ke naj len dosta zhutipe thaj kodo si jekh problemo phenel e Elizabeth Johansson anda Cancer fonden.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".