to: Björn Larsson Rosvall/TT

But ternimata nakhen pharipe ando sporto

Nasulipe ando sporto
4:14 min

But chavora thaj ternimata  so trenulin differentne sportura ando Shvedo nakhen nasulimata sar kränkningar ande penge klubura.

Jekh rodipe so TNS Sifo thaj Freinds kerdas pe 1100 chavora ande bersh 9-15 sikadjilas pe ke karring 26 procenti nakle varikhana nasulipe khatar jekh amal anda lengo klubo thaj 10 procenti phende ke lengo treneri kerdas len kränka varikhana ande lengo sporto.

Lars Arrhenius, generalsekreterare i Friends chi pacalas ke kasave uce siffri avna avri ande kado rodipe thaj phenel ke but chavora thaj ternimata phenen ke von nakhen nasulimata ande penge klubura thaj univar si vi kade ke mardjion thaj si rigate shudine ando klubo.

Kado rodipe so Friends manglas khatar TNS Sifo sikavel ke but ternimata nakhen pharimata ande penge klubura thaj e sifra si bari ke but manush kam vi garaven kodo ke von nakhen pharipe ande pesko sporto khatar o klubo.

Rafal Marek si jekh terno chavo khaj khelel Handboll, vov phenel ke vi vov nakhlas pharipe ande pesko sporto.

Rafal Marek phenel ke e raklora sas shudre karring leste, vobinas pala leske dume thaj sikavnas ke chi kamenas te khelen lesa. Rafal Marek chi kelelas maj chorres sar e kaver raklora numa vov acharlas ke variso nas sar khaj trobujas.

Kana vov zumavlas te vorbij e treneros chi shunelas vov pe leste thaj pala jekh vrama sas vi  lesko treneri leske nasul thaj kodo sas leske maj pharo.

Ande kado rodipe so Freinds kerdas sikadjilas pe ke 10 procenti anda e ternimata nakle varikhana nasulipe khatar o treneri thaj maj normalno sas ke o treneri cipijas pe ternimata ke von kerde variso chorres.

Phenel o Lars Arrhenius khaj si generalsekreterare ando Friends

Lars Arrhenius phenel ke kadi informatcia so avilas avri si vazno te birin e trenerura thaj e kaver manush ande klubbura te achiaren ke si problemo ando Sporto thaj phenel ke e klubura trobuj te dikhen perdal akanak sar lende si.

O problemo kadala buchiasa si kodo ke e ternimata chi phurin avri e problemura feri ke von inkren kado pe peste but vrama thaj kodo si pharo.

Rafaloski dej phenel ke voj dikhelas lungo vrama ke variso sas chorres numa ke o Rafal chi phurijas so sas problemo.

Rafal Marek kamlas te mukhel pesko kamado sporto numa pala jekh vrama dikhlas jekh treneri anda jekh kaver klubo ke leske nas mishto kote thaj manglas les te avel ande lengo klubo.

O Rafal Marek parudas klubo thaj phenel ke akanak si leske mishto neve manushenca thaj ke araklas pale peski losh ando sporto.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".