Sas vuchem jekh registro pe resandemanush ando Shvedo de 70 bersh parpale
nationalno

Sas vi jekh registro pe resandemanush ando Shvedo de 70 bersh parpale

Articlo pe resandemanushengo registro
5:36 min

Sar janas si jekh registro pa rom so e Skånepolitsia vasda pe lende aj vi phene ke adjes naj kudo registro. Numa but rom phenen ke vuchem de dumot sas registri pe romen ando Shvedo. E Katarina Lind si jekh frilans journalisto so ramosarda jekh but intresno articlo pe jekh registro so sas ando bersh 1944 vuchem ando gaseta Sundsvalls Tidning.

Numa kado articlo kham chi vasda so lat sas la gindo anda gor khana ramosarda o articlo.

E Katarina Lind phenel amenge so sas lako gindo khana ramosarda o articlo.

O gindo anda gor vasdape kana voj da duma romentza ando Kramfors aj von phende lake ke vuchem sas registroria pe romen maj angle sar o registro so sas avri dino naj de dumut. Lako gindo sas te kherel jekh articlo so sikhavel sar sas aj vi sar si adjes aj sar le duj vremi inkheren te kheren sa jekh.

Voj phenel ke voj trada ando riksarkivo aj arakhla jekh registro so vorta sas mukhlino puterdo savorenge te ginen aj voj vi janleas ke but manush si anda o väst norrlando kotche kaj si voj adjes aj ramol. Numa so voj dikhla kana avili kaj o arkivo si ke o registro si pe resandemanush.

Voj majdur phenel ke voj la but kritika khatar resandemanush pala kudo ke voj ramosarda jekh faktaruta ke le resandemanush si rom. Voj vi la kritika khatar kaver journalistoria sar voj dape gindo kana voj kherelas jekh jämförelse e purani registrosa kusa o nevo registro pa rom.

Pe o puchipe te si ke voj gindilas ke kado vasdel negativno kritika khatar resandemanush voj kadja phenda.

Na kudo me chi gindivas numa me gindiv ke michto si ke vasdelpe jekh diskutsia numa so si mange chaj si ke inkhe si but resandemanush so daran te phene ke von si resandemanush pala kudo ke inkhe si jekh rasismo kharing resandemanush.

E Katarina del ame o attveto te si ke lat sas la dosta janglipe pa kado puchimata vaj pe le resandemanush angla kudo ke voj lape te ramol kado articlo. Voj vi ramosarda aj phenel ke but anda e informatsia so lat sas la angla te ramol kado articlo voj la khatar o skiritoro Bo Hazell so ramosarda jekh kenyva pa resandemanush aj vi khatar o Wikipedia.

Man anda gor sas man o gindo te kherav jekh nevimatosko articlo aj pala jekh vrama lem janglipe khatar uni manush aj vi gindem korkoro angla te ramov kado articlo numa te dikhela akan voj gindil ke trubusardo te kherel jekh maj förtydligad butchi.

Andi socialni medie but resandemanush kritikin o articlo so getosarda e Katarina Lind.So shaj gines pe socialnie medie si for examplo ke

"Sar shaj ramol jekh journalisto variso bi te janel amaro historia."

"Ame rom sam jekh gruppa manush so kanagodi sas diskirime aj sas avrial shutine ande shela bersha aj amaro rat chi jal te xalaven tele numa o rat si maj tulo sar o paj."

"Sostar te vasden kado purano registro majbino te dikhen so jal ando djesutno samhället, ame trajis khatka aj akana aj amare njamon xala pengo chino vucem attunchi aj dine ando gor."

"Wikipedia si janglo ke naj jkeh dosta suralo fakta tan ak pala kudo kado si surales chores ramosardo."

Kado si uni anda e reaktsie so shaj arakhel o manush pe socialnie medie.

E Katarina Lind vi phenda amenge ke si but importantno te avel vasdino jekh debato kon si resandemanush, so si jekh resandemanush aj so si e diferensia mashkar e resandemanush aj e rom te si ke si jekh diferansia mashkar e rom aj resandemanush.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".