Foto: Fredrik Sandberg/TT
nationalno

Chori situatcia romenge ande skola

Skolverket
4:22 min

Skolverket kerdas jekh dikhipe pa romane chavorengi situatcia ande skola. Von bishade avri jekh anketa khaj sa e skoli so si ande e 5 pilotkomuni so si ande romani inkludatcia, Göteborg, Helsingborg, Malmö, Luleå thaj Linköping. Thaj o resultato nas kasavo lashio phenel o Mats Wennerholm khaj si undervisningsråd på skolverket.

But skoli phenen ke naj len jekh dosta lashio plano sar te keren buchi pala minoritetno politicno plano so si ande skolake buchia, phenel o
Mats Wennerholm khaj si undervisningsråd po Skolverket.

Resultato khatar kado dikhipe sikavel but buchia, sar exemplo ke sa e skoli chi birin te den dejaki chib ande skola pe romani chib.

Jekh kaver buchi so sikdajiol pe si ke ande but skoli si but romane chavora so chi aven pe lekci thaj si len baro frånvaro. Kodo kerel ke kadal chavora chi sitcion sar khaj trobuj thaj kodo kerel maj angle ke kadal studentura chi birina te agorin gymnasium maj angle.

Ande anketa pindjaraven pe e skoli ke len si kasave romane chavora, thaj kana skolverket pushel save planura e skolen si te zhutin kadale chavoren, si o atveto ke e shkola chachimasa chi djanel sar te djal maj angle kadale chavorenca phenel o Mats Wennerholm.

Kado ke si problematicno mashkar uni rom thaj skoli si pindjardo, phenel o Mats wennerholm thaj phenel ke trobuj te kerel pe variso te kerdjiol e situatcia maj lashi maskhar e rom thaj e skola thaj jekh drom so shaj te djal maj angle si kodo te aven brobyggare ande skoli ke kodo shaja te lashiarel e situatcia.

Jekh kaver buchi so kado dikhipe sikadas sas kodo ke e skoli chi den djanglipe - kunskap pa e rom vi te si e rom nationalno mioriteto ando them thaj ke kado si te avel ande edukatciako plano ando Shvedo.

Thaj kado trobun e skoli chachimasa te sitciaren phenel o Mats Wennerholm ke kado si skirisardo ande skolako plano.

Ekcera chuda si kodo ke chi den e skoli kadi edukatcia ke kado si importatno te djanel pe, na feri pa e rom feri pe sa e nationalne minoritetura ke o shvedo si jekh them khaj pindjaradas 5 nationalne minoritetura.

Mats Wennerholm phenel ke trobunas sa e skoli te djanen pa o zakono so si pa nationalne minoritetura thaj phenel ke e dosh shaj te avel ke e skoli chi las informatcia vaj ke von chi kamle te len informatcia.

Mats Wennerholm phenel vi kodo ke kado dikhipe sikadas but dosha so trobuj te lashiarel pe thaj vov pachal ke e skoli lena kado karing phende te lashiajven e dosha.

Vov phenel ke dikhel ke si inke buchi te kerel pe te aresel pe khaj e cellura thaj von anda Skolverket kerna kadalesa buchi thaj pala kodo kamlov vov vi e skoli te len kado karing pende ke o djanglipe pa e nationalne minoritetura thaj e rom si jekh djanglipe so barvarel e studenton.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".