Olympiada ande Sotji
Internationalno

Olympiako khelipe 2014 Sotji

OS Sotji
4:56 min

Adjes lel pe oficialno jivendesko olympiako khelipe ande Russia ando foro Sotji. Tela 2 kurke sportulina e ljumake maj lashie sportove manush ande jivendeske sportura thaj anda Shvedo traden 106 aktivne sportove manush.

Shvedo las 25 medaljura ande palune duj jivendeske olympiadi thaj vi kadi data ghindoj pe ke lela o shvedo karing 10 medlajura, kado phenel o Stefan Lindeberg khaj si sherutno ande Shvedosko olympiako komiteto.

Stefan Lindberg sherutno anda Shvedosko olympiako komiteto ghindoj ke o Shvedo lela karing 10 medaljura, thaj phenel ke chi kamel te ghindoj ke maj cera medaljura lela o Shvedo ande kado olypiako khelipe.

Thaj 10 medaljura si vi o oficialno celo so Shvedosko olympiako komiteto vazdas angla kadal khelimata ande Sotji. 10 medaljura kam chi mezij but ghindosa ke o Shvedo las 14 medaljura ando Turin ando bersh 2006 thaj 11 medaljura ando Vancouver ando bersh 2010.

Numa chachimasa kerdas pe pe kado feri 4 val tela intrego jivendesko olympiaki historia ke o shvedo las 10 medaljura.

Ando bersh 1998 ando Nagano las o Shvedo feri 3 medaljura thaj sa kade ando bersh 1994 ando Lillehammer.

Apol ande save sportura birija o Shvedo te lel medaljura?

Martin Marhlo khaj kerel buchi po radiosporten anda Shvedicko radio ghindoj ke Curling, hockej thaj alpina shaja te del e shvedos varisavo medaljo.

[Duration:0:24]

Anja Persson khaj las 6 medaljura tela 3 olympiakhe khelimata chi tradel maj dur thaj kodo kerel ke naj kasave bare expektaci sar maj anglal.

Numa si chansi pe murshikani righ khatar o Andre Myhrer thaj Mattias Hargin thaj pe djuvlikani righ pacal pe ke duj djuvlia birina te len medaljura sar e Maria Pietelä-Holmer taj e Frida Hansdotter khaj tradas mishto kado sezono ando världscupen.

Pala kodo pacal pe ke e mursh thaj e djuvlia birina te len medaljura ando sporto Curling thaj maj baro ghindo pe medaljo si ando sporto hockej, thaj but manush pachan ke o Shvedo birija te lel sumnakuno medaljo sar khaj von kerde ando bersh 2006 ando Turin.

Atunchi sas bare cherhaja ando Shvedo sar o Peter Forsberg, Mats Sundin thaj Nicklas Lidström.

Kadi data naj kasave bare cherhaja ando hockejo phenel o Martin Marhlo anda Radiosporten.

Akanak si kaver manush thaj kado kam si mishto.

Ande längdskidåkning naj kade but pacape ke lela o Shvedo medaljo numa vi kade si ghindo ke Charlotte Kalla birija te lel varisavo medaljo thaj si vi ghindo ke o Björn Ferry lela jekh medaljo ando skidskytte.

Jekh buchi so holjarel e narodos ando Shvedo si kodo ke SVT chi birija te sikavel olympiako khelipe.

Viasat khidas opre e kontraktura thaj kodo kerel ke e manushen khaj naj viasat vaj tv3 chi birina te dikhen pe olympiada.

Shvedicko radio mukhela olympiada po internet thaj e manush birina te shunen so kerel pe ande olympiada ando Radio Sporten.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".