Holocaust
Holocaust

So znacil e vorba Förintelsen?

Vorba Förintelsen
6:00 min

E vorba Förintelsen si jekh boldipe pe vorba holocaust thaj but manush ando Shvedo ghindoj ke kadi vorba Förintelsen inkrel pe pe sa e victimi so mule tela dujto ljumako maripe.

Numa kade naj!, phenel e Diana Nyman khaj si jekh romani aktivistka anda Göteborg. Voj phenel ke kadi vorba si uladi feri e zidovenge...

Thaj phenel ke o forum för levande historia khaj si jekh themesi organizatcia nashtik te phenel Romer - förintelsens offer..

Diana nyman si holjaki ke e definatcia pe Förintelsen si garadini thaj ke but manush chi djanen kado, ke o them inkrel e vorba förintelsen feri pa zidevura thaj kote naj e rom andre pangle.

Diana Nyman phenel ke Forum för levande historia skrij ke e rom si e bisterde victimi tela o Förintelsen thaj chi skrin ke e rom  si Förintelsens offer - .

E vorba Förintelsen si jekh definatcia khatar e anglishitsko vorba Holocaust, Diana Nyman reagulij ke Forum för levande historia inkrel pe pala Stockholms deklarationen so si jekh deklaratcia so purano Statsministro Göran Persson kerdas tela angluni memoratcia 27 januari ando bersh 2000

Thaj ande Shvedicko versia skrij pe ke Förintelsen kusa e bari bokva F si uladi feri e zidovenge ande lengi buchi thaj e rom si dikle sar jekh kaver gruppa tela kadi nasul vrama thaj chi ginadjion sar jekh kotor ande e definatcia ande vorba Förintelsen.

Domino Kaj si jekh pindjardo romano aktivisto thaj vi vov regulij pe kadi definatcia ke rom sas pindjarde sar jekh ofjaraki grupa tela nurnberg zakonura - nurnberg lagarna thaj sas sa kade chores dikle khatar e Nazistura ke e rom sas te aven likvidovane sa kade sar e zidevura.

E Diana Nyman thaj Domino Kaj vazden zurali kritika karring o regeriungo thaj Forum för levande historia ke von line sama ke e rom si exkluduvande katar e vorba Förintelsen khaj si e shvedicko vorba po holocaust.

Eskil Frank khaj si överintentent po Forum för levande Historia phenel ke vov djanel ke si kritika khatar e rom thaj ke vi si chachipe e romen pala e definatcia pa Förintelsen.

Numa vov chi birij te kerel kanchi korkori ke o shvedicko regeriungo skirisardas tela o Stockholms deklarationen thaj anda kodo musaj forum för levande historia te inkrel pe pala o regeriungo.

Vov phenel ke vov zumadas te vazdel kadi buchi mashkar shtar departamentura sar Kulturdepartamentet, arbetsdepartamentet, justitiedepartamentet thaj utrikesdepartamentet, numa chi las chi sosko atveto sar te djal pe maj dur kadale pushimasa.

Stockholm deklarationen si jekh deklaratcia khaj phenel ke trobuj edukatcia, rodipe thaj te serel pe o Förintelsen thaj kadi deklaratcia si jekh grundo khaj e internationalno koperatcia ande International Holocaust Remembrence Alliance (IHRA) khaj si opral 30 thema pa intrego  ljuma pangle.

Ande kadi deklaratcia skrij pe feri pa jekh grupa ande Holocaust thaj kodi grupa si e zidevura thaj e kaver manush so mule ginadjion sar "e kaver ofjari"

Diana Nyman phenel ke chi trobuj te avel kade ke  rom sas sa kade dikle thaj nakle sa kodo choripe ande nazistongi ideologia thaj phenel ke e rom trobunas te ginadjion sar jekh kotor ande e vorba Förintelsen.

Eskil Frank överintendent po forum för levande historia phenel ke acharel so e rom kamen numa chi birij te kerel kanchi ke chaches si zor a deklaratcia - Stockholmsdeklarationen thaj zhi pun o regeriungo inkrel pe pala kado musaj vi Forum för levande historia te inkrel pe pala kado.

Kana Radio Romano vorbisardas khaj e Kulturdepartamentet khaj si o departamento opral pa Forum för levande historia phende von ke forum för levande historia kerel buchi maj bulho numa acharel e kritika khatar e rom ke e vorba Förintelsen pala e definatcia so o regiungo thaj e departamentura dikhen kerel avgränsa e kavere grupen so naj ziduvura thaj phenel ke e departamentura djanen ke si jekh problematika.

Domino Kaj phenel ke but vrama naklas akanak sar skirisardas pe tele kadi deklaratcia thaj phenel ke trobuj te kerel pe jekh revidatcia pe kodo so sas jokvar skirisardo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".