Elisabeth Anestad, policiantka thaj chefojka ando Västerort. Foto: Ramin Farzin/Sveriges Radio.
Nationalno

Polica zuraren pesko insatso pe trivaleste ande Tensta thaj Rinkeby

50 maj but policiantura..
5:30 min

E policia ando Stockholm planulin o te vazden pesko insatsto pe trivaleste ando Tensta thaj ando Rinkeby, kado bersh angla milaj. Thaj o atveto si ke jek gruppa ternjimata kaj si paschi 200-300 trajin pe kriminalitetura ande kadal foroske kotora. E Elisabeth Anestad si chefojka ande policia ando Västerort.

- Kana si manush vaj individura kaj kheren pesko manro pe kriminalitetura thaj kaj den effekto pe jek intrego komuna, atunchi nashtik acceptulisaras kado. Musajij te kheras vareso zurales, phenel e Elisabeth Anestad.

Jek dosta tuniariko patreto malulij e Elisabeth Anestad kana avel kaj o Tensta thaj o Rinkeby. Jek patreto kaj sikavel narkotikako handlo, violencia, rån vaj ke choraren manushen, darajimata thaj makto mashkar e kriminalni, khaj kherel ke phares si firmenge o te etablulin pe ande djelnjici, phenel e Anestad. Le duj thana si le khetanes 30 000 ziene kaj si jek procento kriminalni, phenel e polica.

Thaj anda kode site shon e polica inke 50 policianton te den supporte le 25 policianton kaj aba si ande djelnjici. Thaj lengi buchi avla o te huchilen so maj buthe manushen kaj si kriminalni thaj te aven convictovani anda peske kriminalitetura. 29 policiantura site rekrutulin angla milaj thaj inke 21 kana kezdija pe o 2015 bersh.

O 30-bershengo Bogaj kaj barilas ando Rinkeby thaj akanak trajij ande Tensta phenel ke si jek dar ande kadal djenjici kodolenge kaj chi trajin kothe.

Ferik ke si kodol ziene kaj trajin ande kadal thana kaj si skepticni karing e policiako insatso. Thaj o Bogaj si jek anda lende. Vi te si jek dar mashkar but ziene katar le kriminalni manush, naj musaj maj but policiantura o te pharuven kado, phenel o Bogaj.

Pala o turbulenso kaj sas ande but Stockholmoske djelnjcici o paluno bersh zianel e policia  ke shaj avel problematicnie kana maj but policiatntura sikadzon  ande unji djelnjici. Ferik ke e Elisabeth Anestad katar e poliicia ando Västerort, chi gindij ke le normalni citiznetura lena negatvno effekto katar o insatso ando Rinkeby thaj Tensta. But avna polciantura kaj chi dichona, sar civilni policiantura thaj rhoditora, phenel e Anestad

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".