1 av 4
Foto: Åsa Stöckel/Sveriges Radio.
2 av 4
Foto: Åsa Stöckel/Sveriges Radio.
3 av 4
Foto: Åsa Stöckel/Sveriges Radio.
4 av 4
Foto: Åsa Stöckel/Sveriges Radio.
Nationalno

Pala e jag khidenpe akanak le romuniska rom anda Högdalen

Sajek majfederij sar ande Romunia..
4:26 min

Le romunura ando foroske kotor o Högdalen ando Stockholmo mukhen peske cherhi thaj campingura. E EU-migrantura kaj so mangen love pe Stockholmoske vulici daran akanak anda pesko trajo pala kodo ke sas dino langa jek anda lenge campingura thaj jek baracko. E policia chi gindon ke vareso kriminalno si pala e jag, ferik ke le rom pachan ke varekon das langa lengo than.

Le 15-20 ziene kaj sas po than ando Högdalen khide pe krujal mande thaj zumavenas pe diferetni chiba vaj pe migi te phenen, ke pe rachate sas pabarado opre lengo than, thaj ke konik anda lende chi acharen sostar kado sas kherdo. Vi te naj varesosko pinziaripe po kriminaliteto, sajek pachan le rom ando Högdalen ke varekon specialnie phabardas lenge campingura.

[Duration:0:20]

E khand katar e jag majdur ashilas ando lufto, thaj krujal le rom zumaven te khiden vaj te kheravenso ashilas le pala e jag. E jek romnji phenel ke e jag kezdisajlas pe rachate sar von sovenas thaj musajsas avri te nashen phurangle. Sar vorbijas lensa phenas le rom ke love naj, ke o trajo pharo, thaj ke shudinej.

Ferik ke kana sas e Romuniaki ambassardorka e Raduta Dana Matache pe jek vizita ando Svedo te maladziol kusa o Svedisko socialno ministro o Göran Hägglund phendas voj ke si socialni programura ando them kaj del zutipe le romen.

Le romengi reaktcia kana pominisardem la ambasorka anda Romunia si holaki, thaj phenen ke naj chaches ke si le zutipe ande pesko them, thaj ke voj hohavel pa kado. Phenen ke naj possibiliti pe bucha ande Romunia, thaj ke chi zial o te trajis kothe.

Thaj jek terno shavo kaj eksera majfeder vorbias anglisiska phenlas ke so tena avel ke nakhen kathe ando Svedo, sajek majfeder sar ande Romunia.

O Kronofogden line e decisija o te kheren värka vaj te shuden le romen anda Högdalen pa lengo than. Thaj lujine po kaver kurko aba naj o te aven le manush kothe.

O Bienvenido Flores, talesperson vaj o glaso le romunongo phenel ke but ziene akanak len te preperulinpe o te zian pek kaver than.

- Von chi kamen te maladzion kusa e myndigheter lujine. Thaj but ziene len te khiden pe pa than. Unji anda lende line o proposalo pe jek biljetto palpale ando them. Ferik ke o majriteto sajek alosarde o te ashen

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".