Gipsy Kings ani Uppsala ane Gitarako festivali
Nationalno

Gipsy Kings ande Uppsala

Koncerto Gipsy Kings
3:04 min

Adjes avel jekh anda e maj pindjarde romane grupi ando Shvedo te inren koncerto.

Gipsy kings kusa o orginalno ansamblo avena adjes ande Uppsala ando Fyrishovhallen.

Uppsala internationella Guitarr festival khaj si jekh baro pindjardo festivalo anel len peste thaj o konserto lel pe 19:00.

Klaus Pontvik khaj si festivalosko sherutno, loshal ke Gipsy kings aven lende te djilaben adjes ke vov thaj but manush barile opre lenge muzikasa krujal e ljuma.

Klaus Pontvik phenel ke o extra loshako si akanak ke Uppsala internationella Guitarr festival anaven Gipsy Kings.

Ke Gipsy Kings mukhlas na durmut avri jekh nevi cd khaj bushiol Savor Flamenco thaj pasha kodo njerisardas Gipsy kings de duj kurke kodolestar jekh muzicno Grammis ande kategoria ljumaki muzika - världsmusik.

Pasha kodo startulin Gipsy Kings peski ljumaki turneja khatar anda Uppsala.

Klaus Pontvik phenel ke extra loshako si ke Gipsy Kings avel kusa e orginalne membrura adjes thaj phenel ke e pral reyes thaj e pral balijardo aven.

Adjes si jekh fiesta, jekh paciv thaj kado kamel o Festivalo te kerel, Ke kana manush den pe ghindo pe e grupa Gipsy Kings ghindon but manush pe fiesta! anda kodo birin e manush te aven te han thaj te pen angla o koncerto

Adjes lela pe kadi pachiv aba 17:30 kusa mungel thaj tapas, e manush so kote aven birin te maladjion te vorbin pe thaj pasha kodo te han tapas, phenel o Klaus Pontvik thaj o koncerto lela pe 19:00

O koncerto avla lashio, phenel o sherutno anda Festivalo o Klaus Pontvik ke e manush birina te shunen nevi muzika khatar o nevo cd thaj pala kodo birina e manush te shunen nostalgicne djila so savorri pindjaren sar bamboleo, djobi djoba thaj kaver klasicne djila so vazdena opre e manushen te khelen.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".