Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
1 av 2
Alice Babs ando bersh 1942
2 av 2
Alice Babs ando bersh 2008

Alice Babs 1924 - 2014

Alice Babs
4:47 min

Alice Babs arakhadjias ando bersh 1924 thaj kana mulas arachi sas voj opral 90 bershengi.

Manush serena a Alice Babs ke voj djilabelas kusa jekh uzho, shukar hango khaj mindik arakhelas e tona thaj djilabelas mashkar e muzikake dzangri.

Numa e muzika khaj inkrelas laki passiona sas Jazzo.
Kana voj sas ternori, 15 bershengi dikhelas voj ando suno ke voj djilabela e bare pindjarde jazz artistasa Duke Elington.

Thaj kodo suno kerdjilas vi chacho ando bersh 1963.

Alice Babs si jekh anda e maj bare djilabatorkini ande shvedoski historia numa voj nas feri djilabatorkina voj sas vi jekh drago actorka ando Shvedo thaj boldas opral 20 filmura.

Ando bersh 1940 kana voj sas 16 bershengi kerdjilas voj pindjardi peska muzikasa sar djilabatorkina kana voj sas andre ando filmo Swing it, magistern.

Pala kado filmo kerdjilas e Alice Babs zurales drago e narodoske  ando shvedo thaj ando bersh 1958 djilabelas voj e shvedoske ande baro Eurovoziako festivalo a djilasa "lilla stjärna".

Pala kado kerdas vi e Alice Babs jekh baro succeso ande USA peska muzikasa. Kote sas voj ande jekh grupa khaj bushiolas Swe-Danes khaj voj sas ande grupa kusa violinista Svend Asmussen thaj e gitarista Ulrik Neuman.

Thaj vi te kernas von succeso ande USA mukhlas voj Amerika ke voj chi birijas te avel bi a familjako thaj vramasa hasajlas vi e gruppa Swe-Danes.

Vi te sas e Alice Babs pindjardi thaj kamli bute manushendar sas vi but kritika pe late, jekh sas ke voj djilabelas Swing thaj tela kadi vrama chi dikhenas savori loshasa pe kadi muzikaki djangra feri dikhenas pe kado ladjavesa.

Ande e 60 bersh djilabelas voj but muzika thaj intregi generatci ando shvedo barile opre lake glasosa ando Shvedo thaj ando bersh 1963 areslas lako maj baro muzicno suno kana voj djilabadas angluni data kusa o jazz legendaro o Duke Elington.

Kado sas lake zurales loshako te birij voj e Alice Babs te djilabel peske maj bare idolosa.

E koperatcia mashkar kadal artistura aresle vi ande USA thaj vi kote sas lako uzho, shukar hango pindjardo khatar e muzikake kritikura thaj vi von vazdenas la opre.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".