Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

EU - soj kodo?

Publicime fredag 14 februari 2014 kl 14.36
EU - So si kodo
4:05 min
EU-flagga Foto: Markus Schreiber/Scanpix

Kana dujto ljumako maripe agorisajlas ando bersh 1945 line e Europake liderura e decizia te keren e Europake thema jekh koperatcia mashkar phende te na aven maj but problemura.

Chi kamelas pe te kerel pe maj but marimata ande Europa thaj kamelas te avel maj but handla mashkar e thema ando Europa.

Jekh buchi sas te avel kontrola pe sako them kechi angar thaj sastri shajas te avel sako themes, dosh khaj kadi kontrola sas ke anda sastri thaj angar birij manush te keren marimaske buchia thaj tankura, thaj chi kamelas pe te kerel pe marimaske buchia garadino te kerel pe varisave marimata.

E liderura kamnas vi te aven diferentne koperatciake buchia ke atunchi chi kamlov e thema te maren pe jekh kaveresa.

1952 sas e angluni europaki koperatciaki unia kerdi khaj sas pa angar thaj sastro - Europeiska kol och stålgemenskapen khaj sas Francia, Italia , Vesticno njamco - västtyskland, belgia, holando thaj Luxemburgo.

Mahkar bersh 1967 thaj 1993 bushiolas europako khetanipe EG - Europeiska gemenskaperna khaj inkrelas pe trin bare koperatci sar o angar, sastri ekonomia thaj pa atomura. Thaj ande kado khetanipe sas 12 thema pasha e 6 anglune avile thema sar Danemarko, Irlandia, bari britania, Grekland ,Portugalia thaj Spania.

Anda kadal 12 thema shute pe vi 12 cherhaja ande Eu-flagga khaj si vuneto kusa 12 galbeni cherhaja. Vi adjes inkrel pe kadi flaga vi te si maj but sar 12 thema adjes ando EU.

EU kerdjilas 1 november 1993 thaj atunchi hasajlas vi o anav EG.

Europaki Unia manglas te aven puterde granicimashkar e thema ande Unia thaj puterdo bizneso lovenca thaj buchiansa mashkar kadal thema thaj sas vi but kaver zakonura pangle khetane sar te avel jekh jekhutni politika pe sekuritake pushimata thaj jekhutni valuta ande kadal thema o Euro.

Euro das andre ande ekonomiako marketi ando bersh 2002 thaj si adjes oficialno valuta ande 18 anda e 28 thema so si andre ande EU, Shvedo chi inkrel o Euro ando Shvedo.

Shvedo das andre ando bersh 1995 thaj adjes si 28 thema andre ande Europaki Unia thaj o maj paluno them so das andre ando EU si Kroatcia khaj das andre ando bersh 2013.

Adjes mangen inke 5 thema te den andre ando EU thaj von si Island, Turkiet, Montenegro, Makedonien thaj Serbia.

Kodo so but manush chi djanen si kodo ke si jekh EU-djes khaj si sako bersh 9 majo.

Si jekh Europahymna khaj si o paluno kotor anda e 9 symnfonia khatar o pindjardo kompositoro Ludwig van Betethoven thaj si jekh motto ando EU khaj phenel pe "Förenade i mångfaldheten" 

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".