Foto: Anders Jelmin/Sveriges Radio
Nationalno

Ashen le romane dada khere e shavorensa anda buchi?

Trendo mashkar e terne dada..
3:45 min

Le dada ando Svedo len avri so maj but vrama peske shavorensa vaj föräldraledighet sar kaj bushol svediska. O paluno bersh line e dada avri 24,8 procenti anda le djesa kaj so len föräldrapenning vaj pochin anda lende, thaj e Försäkringskassans ekonomicno glaso o Niklas Löfgren acharel ke kado zial po vorta drom.

- Kado si te ginavesa ande kotora pe duvareste maj but de katar o 2000-bersh, ferik ke e siffra majdur za slaboj. Le dada len avri paschi trin shon thaj le deja buthesa maj but. Ferik ke si jek positivnie ke zial ande jek lashi rikh.

Te si o Svedisko goalo te avel jekhipe mashkar e dej thaj o dat kana avel kaj o föräldrapenning vaj e pochin katar e Försäkringskassan, atunchi si o Svedo pe vorta drom dosta lungo vrama. Statistika katar e Försäkringskassan sikavel ke le dada line avri maj cera sar 7 procenti anda peske djesa ando 1989 bersh, o paluno bersh sas le dadenge djes penge shavorensa paschi 25 procenti.

O vazdipe pe dadenge djesa vaj volno vrama e shavorensa vazdas maj but de sar e duj "pappamånader" vaj dadenge shon avile andre ando 1995 bersh tha ando 2002 bersh. Thaj o Enligt Niklas Löfgren anda Försäkringskassan phenel ke murce kaj si le uchi edukacia ashen majbut khere, sar le kaver.

- Me gindoj ke si jek trend ando them kaj maj acceptovanoj ke terne dada ashen khere le shavorensa, thaj line sama ke mishtoj kana san khere cine shavorensa, me gindoj ke kado vazdela pe so maj but, ferik ke atunchi trobuj maj but reformi, phenel o Niklas Löfgren.

Ferik ke sar inkerdzol kado trendo mashkar le romane dada? O 27 bershengo duje shavorenge dat o Franko, phenel ke dihkel jek diferencia ke maj but romane dada alon te ashen khere peske shavorensa anda buchi.

Le dada thaj le deja vi si maj but khere le shavorensa bi pochinimasko sar varekana, te cirden avri pe volno vrama. Thaj le ziuvla maj but si khere bi lovengo thaj kado del effekto vi pe pochin thaj vi pe pensia. O Niklas Löfgren pale.

- Vi te si kade ke zial ande lashi direcia thaj ke kerdziol maj but jekhipe, sajek maj butiivar si e dej e sherutni pe projekti ande familia, phenel o Niklas Löfgren.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".