1 av 2
Lars Nelson, Daniel Richardsson, Johan Olsson thaj Marcus Hellner Foto: TT. Montage: Sveriges Radio.
2 av 2
Ida Ingemarsdotter, Charlotte Kalla, Anna Haag thaj Emma Vikén. Foto: Claudio Breciani / TT

Shvedoske djal mishto ande OS

3:38 min

Arachi njerisardas o Shvedo pesko dujto sumnakuno medaljo ande längdskidor tela duj djes.

Lars Nelson, Daniel Richardsson, Johan Olsson thaj Marcus Hellner njerisarde sumnakuno medaljo ande stafeta pe 4 x 10 km thaj kado vazdas jekh bari losh ando Shvedo.

Marcus Hellner tradas e maj palune 10 km thaj njerisardas kusa 27 sekundi thaj inkrelas e shvedoski flagga kana vov tradas andre ando golo.

Savatone njerisardas o Shvedo o angluno sumnakuno medaljo thaj vi kodo sas ande Stafeta kana E djuvlja njerisarde e stafeta pe 4x5 km thaj Charlotta Kalla tradas maj sigo maj palune 5 km thaj cirdas andre 20 sekundi thaj o Shvedo njerisardas kusa 0,5 sekundi angla finlando.

Kodi sumnakuno medaljo njerisardas e Ida Ingemarsdotter, Charlotte Kalla, Anna Haag thaj Emma Vikén.

Kadal duj sumnakune medaljura losharen savoren ando Shvedo thaj kadale medaljonca si e shvedos 9 medaljura akanak.

2 sumnakune, 5 rupune thaj 2 bronz.

Akanak djukarel pe loshasa pe kaver medaljura  ando Curling khaj vi e mursh thaj e djuvlia nakle ando Semifinalo thaj kamel pe vi kodo te lel o Shvedo medaljo ando Hockey.

Sar mezij pe akanak birija o Shvedo te kerel jekh sa kasavi lashi olympiada sar ando Turin ando Bersh 2006 kana line von 14 medaljura.

Janek si jekh rom khaj trajij ando Stockholm vov phenel ke vov dikhel sako djes pe olympiada ke leske si kadi olympiada zurales lashi.

Janek pachal ke o shvedo lela maj but medaljura ande kadi olympiada thaj pachal ke o shvedo lela medaljura ando Hockey thaj Curling.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista