Foto: Bertil Enevåg Ericson /TT
Nationalno

Bildt vazdas e situacia pa Ukraina thela e avrithemutni deklaracia

Tuniarikhi djesa la Ukrainake..
4:57 min

Adjes prezentulisardas o o avri-themutno ministro o Carl Cildt e regeringoski avri-themutni deklaracia. Ferik ke zipon las te ginaven o thele skiririme texto ando riksdagen, das vov jek kommentaro pa o dramaticno progresso ande Ukraina:

- Kado si jek tuniariko djes la Europake, manush si mudarde pe vulici ande jek anda anda amare sherutne forura, phendas  o Carl Bildt.

Kaj maj dur vorbijas pa jek vazdini buchi mashkar e Europeisko Unia thaj e Ukraina, thaj sar o Ukrainsko regeringo pala presso mukhkle o drom, thaj vi vorbijas pa e protestura kaj akanak malade ando them.

- Adjes si e Janukovytjos rat pe leske vas. Thaj me darav ke kodo drom kaj vov akanak alosardas vazdela majbut dar thaj violencia. Vov sas o jek kaj birisarvdov te ashavel kado, te dinov vas kusa e demokraticno oppozicia. Ferik ke zamias kado si akanak mudarde manush, pachake demonstarntura, thaj vi policiantura thaj kaver manush.

O Carl Bildt majdur phenlas ke daral ke e Ukraina zial karing tuniariki djesa, ferik ke phenlas ke sajek pachal ke o them shudela pestar kadi violenca thaj hasninsa demokratcni formi.

Kana o Bildt pala kode ghelas kaj e avri-themutni deklaracia, sas o temato but pa EU thaj e europeisko buchi, kaj vov vazdelas diferetnie. Ando maj zite alon e citizentura, phenlas vov, thaj shutas jek varningo karing e manush kaj kritikulin e Eu-buchi vaj corperacia.

Kodol glasura ando Svedo thaj ande Europa, kaj kamen te phagen vaj te oslabin e europeisko coorperacia, kodolenge kamas te bishavas jek vorba: E historicno responsibilita pe phages e europeisko bichi avla phari te phiraves. Te si ke manush kamen te  romun e coorperacia, atunchi romun e possibilita po jek lasho progresso, phenlas o Carl Bildt.

O Europafientligheten, vaj ke manush si negativnoí karing e  buchi e Europasa, thaj e xenofobia zian vas ando vas, thaj kado trobuj te maras thele zorasa thaj kusa convictia, phenlas o Bildt. O Svedo si tal jek aktivno kotor ande jek zurali thaj phangli Europa. Thaj o svedisko regeringo kamen te dikhen jek maj lashi thaj funktionalno marketo, phenlas vov.

O svedisko regeringo mangen majdur te zial e buchi ando EU, phenlas o avri-themutno ministro thaj vazdas la Turcia sar exemplo, kaj majdur kheren buchi pe jek reforma ando them te shaj den ando EU.

Kana avel kaj e o maripe ande Syria, phendas o Carl Bildt ke musaj te ashadzol e violencia, thaj ke jek politicno solucia musaj te avel bari thaj kusa inkludacia. O Svedo das 700 milionura koroni sar humanitarno zutipe thaj dena majdur thela o bersh maj thele inke 230 milionura koroni, phenlas o Bild.

Jek nevipe ande avri-themutni deklaracia sas ke o regeringo adjes line e decisija pa jek bidrago kaj site zial kaj o IAEA:s  övervakning vaj dhikipe po nuklearno kontrakto kusa o Irano. O Svedo si jek zuralo glaso pe jek diplomaticno solucia, kaj znachij ke o Irano trobuja te inkren peske vorbi, phenlas o Bildt.

O regeringo vi kamen te dikhen jek transatlanticno buchi po exporto thaj investiaciji mashkar o EU thaj o USA maj puzno ando 2015 bersh, phenlas o Bildt, thaj kana avel kaj e Russia phendas vov ke o EU musajij te vazdel e chorimata karing e manushikane chachimata, specialnie karing e hbt-manush.

Majdur phenlaso o Carl Bildt ke o Svedo shol pe sar kandidato ande FN:s säkerhetsråd vaj securitako concilo ando 2017 zi kaj o 2018 bersh, thaj phendas ke e kandidacia si zurali, thaj agorisardas o khidipe le vorbensa, ke e dialogura manushensa krujal e luma sikhade leske ke o Svedo kherel jek diferencia ande luma.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".