nationalno

Adjes lelpe jekh festivalo ando Umeå so akardjol "Folk & Världs Musikgala"

4:17 min

Adjes lelpe jekh Festivalo vaj Gala ando kulturako cherutno foro Umeå so si ando opruno Shvedo. O festival si akardo "Folk & Världs musikgalan aj o Umefolket 2014". Kado naj jekh regularno festivalo, pe kado festival si te avel diferentni khotora sar for examplo, konsertoria, kelimos, seminarie aj workshops.

Te phenel majbut pe o festivalo ame vorbisardam kusa o Lars Farago so si ordförande ando festivalosko ledningsgrupa.

O Lars Farago phenel ke kado festivalo si inkherdo o panshto data aj ke o gindo kusa kado festivalo si te len e manush janglipe pe vi ando shvedo aj e lumja o janglipe pe sode manush kherel but  krajal kusa musika aj kelimos vi ando minoritetno gruppi aj vi mashkar o majoritetno grupa aj vi mashkar e manush kaj si neve ando tem.

Majdur phenel o Lars Farago ke kadala manush so aven ka kado festivala naj kadja prinjarde aj chi ditchon ando media kadja but aj anda kudo si len e chansa khatka te len tan.

Vo vi phenel pe sar o festivalo den avri ochto prizori andi diferentni kategoria aj o kaver bersh la jekh rom duj prizori.

O kaver bersh la o Ralf Novak-Rosengren duj prizoria jekh pala kudo ke vo inkherelas pesko romano kultura aj o kaver sas anda pesko butchi aj inisiativa ando Romani Music Festival. Numa kado bersh chi avela romano musica pe o festivalo.

O Lars Farago phenel majdur ke le duj minoritetno gruppi so si te aven vasdino but tala kado bershesko festivalo si le Tornedalsfinnar aj le Samer. Vo vi phenel ke kado bersh si ajukerdo te avel kharing le 1500 gostoria pe o festivalo aj si te avel opral pe jekh shel artistoria.

O inisiativa kharing kado festivalo si naj ferdi jekh organisatsia phenel o Lars so phenel ke si but diferentni organicatsia numa kado bersh o grundosko arangoro si o Norrlands Operan aj o Umeå folkmusik föreningo.

Majdur phenel o Lars Farago sar si te avel vasdino jekh evropaki puchipe kado bersh pe le minoritetongo situatsia andi evropa. Numa jekh anda e majbare goloria kusa kado festivalo si te hasnin o festivalo sar jekh tan kan maladjol manush anda diferentni musikako stili aj te dikhen chachimasa che oashe si jakh kavresa.

O Folk aj Världs musikgalan si inkherdo de khatar adjes 19 februari ji kaj kurko o 23 februari ando foro Umeå so kado bersh si e evropaki kulturako cherutno foro. Tume shaj ashunen e gala direktno ando shveditska radio ando P2 aj vi shaj jan andre pe lengo internetosko rik www.folkgala.se. Sa le biljetci si bitchinde kaj o gala vaj festivalo

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista