1 av 3
Mustafa Agushi vorbij po seminarium
2 av 3
Fatima Bergendahl vorbij po seminarium
3 av 3
Rom shunen po seminarium

Seminarium pa Arli ando Shvedo

Seminarium pa Arli
5:08 min

Skolverket thaj Språkrådet akhardas khaj jekh khedipe arachi marcine te vorbij pe pa Arli dialekto ando Shvedo.

Avilas kritika ke si maj but variatci po Arli sar kodo Arli so avel anda Skolverket thaj språkrådet.

Sas phendo ke si "jekh" baro dialekto Arli thaj pala kodo si but telune dialektura - underdialekter khaj shaj te avel variatcia ande dialekta Arli.

Baki Hasan khaj si språkvårdare anda språkrådet, phenel ke kado khedipe gelas mishto thaj ke si vi konkretne buchia so djana maj angle khatar kado.

Kodo so savori phende so sas po khedipe sas kodo ke kana vorbij pe e chib acharen savori jekh kaveres anda grupa Arli.

Jekh kaver buchi so si ande Arli si kodo ke uni phenen "so kere" vaj "so cherea", numa kodo naj jekh baro problemo phenen e duj sikavne e Ferida Agushi thaj e Fatima Miftar ke kana san Arli san Arli thaj chi kerel pe maj but diferencia pe kado.

Jekh kaver buchi so si ande Arli si kodo ke uni phenen "so kere" vaj "so cherea", numa kodo naj jekh baro problemo phenen e duj sikavne e Ferida Agushi thaj e Fatima Miftar ke kana san Arli san Arli thaj chi kerel pe maj but diferencia pe kado.

Jekh problemo so si, si kodo ke kana skrij pe Arli shaj te avel ekcera phares te acharel pe thaj e dosh khaj kodo si ke e manush chi skrin sa jekh thaj ke skrij pe diferentno e dosh khaj kodo si ke naj jekh standardizatcia sar te skrij pe e romani chib.

Numa kodo naj chuddno ke e manush so trajin ande Shvedo aven anda diferentne thana, forura thaj diferentne thema.

Reaktci aven ke romendar ke chi birin te acharen sa so si skirisardo ande diferentne buchia so avel avri khatar språkrådet thaj Skolverket.

Fatima Miftar del jekh konkretno exemplo pa Lexin thaj phenel ke si jekh literaturaki chib thaj jekh vorbimaski chib thaj phenel vi kodo ke e manush si te dikhen literaturaki chib sar jekh alternativa na te trajin pala kodol vorbi.

Uni sas chale kadale khidimasa kaver na,

Mirsad Saiti khaj kerel buchi a chibasa ando Skåne phenel ke chi areslas kado khedipe kote khaj trobujas te aresel thaj phenel ke vov kamlov te avel literatura po Arli pe duj variatci.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".