Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
nationalno

O projekto Romska Röster jal angle kusa föreläsningar

Publicime torsdag 20 februari 2014 kl 10.18
Romska Röster - Romano Glosoria
5:39 min
Romska Röster - Romano Glosoria Foto: Peter Lindberg SR Radio Romano

Romska Röster vak Romano Glasoria si jekh prinjardo exebitsia so sas opre todino ando but fororia krujal o Shvedo. Kado sas jekh exebitsia kusa patretoria pe diferentni rom ej kado exibitsia vasda vi possitivno reactsie numa vi vasda negativno reactsia aj pala kudo ke e exibitsia sas todino opre avri pe bare vilitsi ando bare fororia vi sas rimosarde le patretoria sar for examplo sas makhlo nazistno symbolie pe lende.

E Tuula Autio so si projektosko cherutni anda Upplandsmuseet phenel sostar von khamenas te jan angle kusa e Romska Röster aj te kheren akhana 15 kidimata vaj föreläsningar tala e trin shona mars, april aj maj.

E Tuula Autio phenel ke kado si ando projekto ke khamen te vasden  o janglipe pa rom pala kudo ke kado si jekh importantno puchipe aj vi ke e rom si jekh anda e pansh minoritetno gruppi ando Shvedo.

Majdur phenel e Tuula Autio sar von alosarde kon te aven te inkheren kadala kidimata vaj föreläsningar. Voj phenel ke len silen rom so kheren butchi ando kado projekto aj kusa lentza von alosarde manushen save silen janglipe pa rom aj lengo trajoria sar for examplo manush so kherde rodimos pe e rom vaj ramosarde diferentni kenyvi pa rom.

Vi si rom so si te den duma pe le kidimata aj kado si rom so sas andi axibitsia vaj so kheren butchi te vasden e romen ando samhället.

Jekh anda le rom so si te den duma si e Mirelle Gyllenbäck so si te inkherel jekh kidipe so voj alosarda te bushol "Att leva som ung romsk kvinna i dagens Sverige" vaj te trajis sar jekh terni romani juvli ando djesutno Shvedo. Aj voj phenel sar voj dape gindo pe lako temato so voj si te del doma po.

E Mirelle Gyllenbäck phenel ke so voj dape gindo si ke si jekh stereotypno gindo pe e romani juvlia ke chi kheren butchi vaj variso numa voj phenel ke naj kadja ke si but romani juvlia so kheren butchi vaj jan andi schkola.

Lako gindo si te del jekh kaver patreto pe e romani juvlia pestar korkoro pala kudo ke voj nashtil te avel sar jekh exemplo sa e romani juvliange numa khamel te del jekh maj chacho patreto e manushenge pa e romani juvlia.

E Tuula Autio phenel majdur ke lengo kidimata vaj föreläsningar si te avel puterdo savorenge aj von si te sumaven te bolden kharing vi diferentni myndigheter aj vi kharing manush so silen jekh interesno pe rom, numa so voj gindil si o maj importantno gruppa te arisen kharing le le sikamnitororia aj le studentoria.

Voj phenel peski gindoria pe savendar rectsie shaj vasdel kadala kidimata pala kudo ke e exibitsia vi vasda negativno aj positivno reactsie.

E Tuula phenel ke pares si te des jekh atveto pe kado numa voj gindil ke le tematoria shaj vasden duskutcie aj vi shaj del jekh paruimos gindontza mashkar e manush so aven numa voj chi gindil ke si te avel varisosko negativno problemoria sar so sas kana sas e exibitsia rimosardo.

Numa majdur vi phenel e Tuula ke si uni medie so den jekh negativno patreto pe lengo butchi vaj ramon teljardes vaj kränkande kharing lengo projekto.

E romni Mirelle Gyllenbäck so si jekh anda le rom so si te inkheren jekh anda le kidimata phenel peski gindoria pe savendar reactsie shaj vasdel lako kidimata vaj föreläsning aj vi phenel pe sar voj preparilpe angla te inkherel jekh föreläsning.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".