EU-flagga Foto: Markus Schreiber/Scanpix

Sar djal o alosaripe khaj o EU?

Kana alosarel pe?
3:56 min

Sako 5 bersh si jekh EU - alosaripe o alosaripe si chachimasa alosaripe khaj Europako parlamento.

E citizentura anda Europaki unia - EU si kodol so shaj te alosaren ande kado alosaripe.

Ando Shvedo alosarel o narodo 25 majo, thaj kadi data shaj sako shvedicko citizento so perdjilas 18 bersh te alosaren.

Te san citizento ande jakh kaver Eu-them thaj san registirime - folkbokförd ando shvedo biris vi atunchi te alosares 25 majo ando Eu-alosaripe.

Numa musaj anglunes te des kodo opre khaj länsstyrelsen angla 25 aprili te san kaver EU-citizento.

Ande kado alosripe alosarel shvedo peske 20 delegaton so beshna ande Europako parlamento.

Shvedos si 20 thana anda e 751 thana so si ande europako parlamento.

Parlamento si ando Bryssel

Ando Shvedo shaj te alosares pe jekh politicno partia vaj te alosares pe jekh persona so si kandidato ande kado alosaripe.

Ando Majo avela tumenge alosarimaske kartci - röst kort khatar o Valmyndigheten te si kade ke chi avilas tuke kadi kartcia biris vi kade te alosares te djasa ande kodo than khaj tume alosaren thaj te len tumenca tumari legitimatcia.

Ando Shvedo birij pe aba te alosarel pe angla e alosarimaski data thaj birij te kerel pe kado khatar 7 majo numa te alosarel pe angla alosaripe kerel pe kado po kaver than sar chiro normalno alosarimasko lokali - vallokal.

Te san ande jekh kaver them tela kadi alosarimaski vrama bris te alosares ande shvedoski ambasada vaj konsulato ande kodo them khaj san.

Te si kade ke san nasvalo, si tut fuktionsnedsättning vaj san za phuro thaj chi biris korkori te alosares atunchi biris te mukhes chiro alosaripe kavere manushes - kusa jekh bud numa atunchi musaj te manges materialo khatar o valmyndigheten vaj khaj e parti.

Ande uni komuni si vi specialne manush so ingren e manushenge alosarimata.

Kana e lokalura phandaven 21:00 lel pe te ginavel pe e alosarimaske glasura thaj ginavel pe sa e glasura pe raciate jekh angluni data.

Resultato sikadjiol pe ande media , radio thaj televizia.

Pala kodo lel o Länstyrelserna e buchi pe pende thaj kerel jekh extra kontrolla thaj ginaven e glasura jekh dujto data.

Kana avel o resultato djanel pe kon lela e thana ande Europako parlamento.

Feri kodol parti so line maj cera 4 procenti anda e glasura birin te ulaven pe pe kodol 20 thana ande Europako parlamento.

Te si jekh manush te aresel ande Europako parlamento musaj kodo manush te lel maj cera 5 procenti anda a partiake alosarimaske glasura.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".