Jekh anda le kenyvi so o Jonny Ivanovitch bolda pe romani chib so vo hasnil ando pesko sicharimos. Foto: Peter Lindberg Radio Romano
nationalno

Adjes si o internationalno dejaki chibako djes

Internationalno dejaki chibako djes
4:41 min

Adjes si o Fn:s internationalno djes pe dejaki chib vaj modersmålsdagen. Kado djes sas vasdino ando bersh 1999. Tala le ultimo bersha but jal e vorba mashkar e diferentni rom pe sar te kheren te inkheren e romani chib mashkar e ternimata aj majbut mashkar e chavora.

Jekh kaver puchipe so si vasdino pala kado si kasko responsibilita si te shaj avel inkherdo e romani chib mashkar e romane chavora. Si kudo e sikamnitororia andi dejaki chib vaj si kudo e dejangi aj dadenge responsibilita?

O Jonny Ivanovitch so si jekh modermålslärare vaj sikamnitoro ando dejaki chib phenel ke e responsibilita si majbut e dejangi aj dadengi.

O Jonny Ivanovitch phenel ke shaj avel vile dujenge responsibilita numa majbut e dejan aj daden. E romni Meshka so trajil peski pansh chavorentza phenel vi voj amenge ke voj acharel ke e romani chib xasajvol mashkar e chavora.

Voj inkherel kusa o Jonny ke kado si  e dejango aj dadengo responsibilita aj vi phenel sostar voj gindil ke kado kherdjilo mashkar e romane chavora ke xasajvel e chib.

E romni Meshka phenel ke but si ke e dejan aj daden varikaj vi von lenpe te den duma shveditska pengi chavorentza aj anda kudo but xasajvol e chavorenge chansa te inkheren e chib khere.

O Jonny Ivanovitch so kherda de but bersh butchi sar sikamnitoro ando dejaki chib andi romani del amenge jekh gindo pe sar te inkheren e dejan aj daden e chib khere pengi chovorentza.

Sar phendam si jekh dosta baro dar mashkar e rom ke xasajvol e romani chib ande romane khera adjes. Vi vasdam ke o majbaro responsibilita si todino pe le dejan aj daden te shaj inkheren e romane chavora pengi chib andi khera.

Vi ashudam sar o sikamnitoro andi dejaki chib o Jonny Ivanovitch phenel sar e dejan aj daden trubun te kheren te na xasavol e romani chib numa sar delpe gindo e romni Meshka ke trubul e dejan aj daden te kheren von te na xasavol e romani chib mashkar e chavora.

Ashundam sar vi e romni phenel peski gindo pe sar te den e dejan aj daden ando gor kusa kado ke xasavol e romani chib mashkar e chavora. Numa so si kado djes so si adjes aj sas vasdino ando shon november ando bersh 1999.

Kado djes sas vasdino khatar o UNESCO so si e organicatsia ando FN so silen e responsibilita pa edjucatsia, vetenskap aj kultura.

De khatar o bersh 2000 si vasdino e dajaki chibako djes te shaj avel vasdino o mångfald e chibako aj kulturako. Ando shvedo si e chachimos e glatenge te len dejaki chibako sicharimos andi shkola te si ke jekh vaj vile duj njamori den duma jekh kaver chib sar shveditska ando kher.

Jekh kravo so vi si, si ke e glata siles grundosko janglipe ando chib aj ke khamel e glata te avel le kado sicharimos andi shkola.

Le pansh minoritetno chiba ando Shvedo si romani, finlanditsko, jiddisch, samiska aj meänkieli aj musaj te avel dino te si ke khamel e glata te sichol e chib andi shkola.

Glati so si adoptovano khatar shvedanoro aj kahmel te sichol peski chacho dejaki chib andi shkola trubul te avel dino kudo.

Aj pe agor so si phendino khatar o Skolverket si ke le ternimata so len dejaki chibako sicharimos len jekh maj varto merito pala lengo sicharimos andi jekh kaver chib sar shveditska.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".