Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Balengi influensa kerdziol so maj normalno

Naj dar katar e vaccina..
4:37 min

Akanak chaches avilas e influensa ando Svedo, thaj zi akanak nasvajle maj thele 500 ziene anda e svininfluensan vaj e balengi influensa, thaj sode zianas mule maj thele trin ziene. E balengi influensa las te kerdziol sar en sezonoski inluensa vaj säsongsinfluensa, phenel o Anders Tegnel, statsepidemiolog ando Folkhälsomyndigheten.

- Ja, successivne kerdziol e Balengi influensa amari normalno sezonoski influensa, thaj kado kerdziol kade pala sako bari pandemia. Thaj kado znachij ke bersh bershestar kerdziol so maj bari e diferencia mashkar late thaj e normalno influensa. Maj dur si jek tendenso ke len terne manush kaj si kronicnie nasvale  e Balnegi influensa, maj but sar e klassicno gruppa kaj si manush opral e 65 bersh. Maj phure manush mezij ke si le sar jek protecia po nasvalipe, phenel o Anders Tegnel.

O 2009 bersh sas kodo bersh kana maldas avri e H1N1-influensa, kaj pala kode kerdzilas pinziardi e manushenge sar e  Balengi influensa. Thaj akanak kana lel e Balengi influensa te kerdziol so maj normalni, si duj atvetura pala kado, phenel o Anders Tegnell.

- O immuniteto kaj lam pa e vaccinacia thela e pandemia lel po lokhes te hasajvel. Thaj anda kode birin maj but ziene te nasvajven akanak sar thela e pandemia thaj e anglune bersh kaj so laspe. Kado thaj ke o viruso las te kerdzol maj dominatno sar le kaver virusura, phenel o Anders Tegnell.

Pala o baro debatto pa vaccinacia ke si biverkningar vaj kaver negativni effektura katar e medecina, darajle but ziene o te len e vaccina. Ferik ke naj anda soste te daral o manush, phenel o Anders Tegnell anda Folkhälsoinstitutet, ke e vaccina naj sa kodi akanak sar kodi kaj sas dini e manushenge ando 2009 bersh.

- Kadi vaccina kaj ame hasnisaras ande kampanji sas hasnime de sar o 50-bersh, thaj chi das varesoske chorre effektura. Shaj dukhal o vas eksera pala kode unjivar, ferik ke na maj but sar kodo. Naj anda soste te daras, phenel o Anders Tegnell.

Kaj majdur phenel na po pushipe chi kado avla jek pandemia. E diferetni experienciji kheren ke fajma avla jek dosta slabo sezono. Avilas puzno kado bersh thaj atunchi znachihj ke avla slabo e nasvalimasko sezono, phenel o Anders Tegnell infektiako doktoro thaj departementosko chefo ando Folkhälsomyndigheten.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".