Milajeski butchi shaj del butchi e ternenge pala e shkola. Foto: Janerik Henriksson / TT.
nationalno

Milajeski butchi shaj del butchi pala e shkola e ternenge

Milajeski butchi shaj del butchi e ternenge pala e shkola
7:12 min

Te kheres milajeski butchi si michto aj vi vasdel e chansa te les butchi kana getosares e shkola. Kado sokhavel jekh studia so kherdas o arbetsmarkandsinstitutet IFAU so o Oskar Nordström Skans profesoro kaj o Uppsala universiteto kherdas.

O Nordström-Skans phenel ke but manush boldenpe parpale kaj o tan kaj kherde milajeski butchi. Vi si manush so roden butchi pe jekh kaver tan kaj si varikon so janel o manush khatar pesko  milajski butchi, kado sikhavel ke personalno kontaktoria so o manush lel tala pesko milajeski butchi shaj avel varto anglunimastar khana rodes butchi.

Te avel tu kontaktoria te shaj les butchi si vuchem janglo, numa so sikahvel o rodipe so kherda o IFAU si ke vi kotche kaj kherdan milajeski butchi vaj kherdan extra butchi aj maladjilan manushentza aj lan kontaktoria shaj avel but importantno kana rodes butchi pe maj angle.

Kado kherel ke naj ferdi bare chansoria te shaj les butchi kaj vuchem sanas aj kherdan milajeski butchi, numa ke vi manush so maladjilan lentza tala chiro milajeski butchi aj parode butchiako tan shaj kherel te les butchi pe kaver tana.

O Nordström Skans chi gindil ke generalno le manush kaj den butchi ferdi len andre manush so von vuchem janen numa vi shaj len andra manush so vuchem lengo butcharnia janen. Te janes varikas so vuchem siles jekh butchi pe o tan aj si patchako manush atunchi kudo shaj avel dosta te les butchi.

Te vasdes kontaktoria aj te vasdes nätverk si specialno importantno e ternenge so naj len korkoro drom andre pe butchiako marketo. Kado si kharing ternimata so alosaren jekh kaver butchiako marketo sar lenge njamon vaj terne so si ando jekh socialno situatcia kaj naj but activano, phenel o Oskar Nordström Skans, sar for examplo andi tana kaj si jekh paro situatsia sar ande le förorter.

Vo vi phenel te shaj vasdes le chansoria pe o butchiako marketo kharing kado grupa si but importantno te vasdes e edjukatcia te shaj lel  e studentoria e possibilita te vasden kadala kontaktoria atunchi shaj teljarelpe kadala problemoria phenel.

O Kristoffer Bogdanowics kherel butchi sar brobyggare ando Arbetsförmedlingo ando Malmö aj phene amenge sar von kheren butchi te jutin e terne rom te shaj len milajeski butchia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".