Wicia Wisznievski anda exibitcia "Vi är romer" Foto: Maja Kristin Nylander.

Exibitcia "Vi är romer" avel ando Stockholm

"Vi är Romer"
4:38 min

Tela e vrama 23 mars 2013 zhi khaj 12 janurai 2014 sas e Romani exibitcia "Vi är romer - möt människorna bakom myten" ande Göteborgs statsmuseum thaj kadi exibitca sas baro suceso e museumoske.

But manush avile tela kadi vrama te dikhen thaj te shunen sa so sas kote sikado.

Forum för levande historia anavel akanak e Romani exibitcia "Vi är romer - möt människorna bakom myten" anda Göteborg statsmuseum ando Stockholm ande peske lokalura ando Stockholm.

Planura si akanak te putrel pe kadi exebitcia ando Stockholm ando augusti kado bersh, phenel o Joakim Scheele khaj si projketledare pe kadi exibitcia ando Stockholm.

Planura si te putrel pe kadi exibitcia "Vi är romer" 15 augusti kana djal o stockholm kultur festival phenel o projektledare pe kadi exibitcia khatar Forum fö levande historia o Joakim Scheele.

Kadi exibitcia sas maj anglal ando Göteborgs statsmuseum thaj sas jekh baro sucesso, ke kadi exibitcia si kerdi pe intervjura romenca, kote si patretura pe rom thaj si vi filmura pe rom vaj so si kerde romendar.

Kadi buchi si kerdi manushendar thaj romendar khaj si djanglipe ande romani buchi kusa kultura thaj aktivismo.

E exibitcia sikavel vi romani historia thaj sar e rom mukle India thaj sar von phirde ande Europa, kote sikadjiol pe vi e romani chib thaj e kulturako barvalipe.

Joakim Scheele phenel ke von si loshake ke von anaven kadi exibitcia ke e rom sikaven korkori pengi buchi ande kadi exebitcia.

E exibitcia avla sa kodi so sas kerdi ande Göteborg thaj pasha kodo avla vi kompetatcia anda Stockholm khaj sikavla pe patretura thaj historia khatar rom so trajin ando Stockholm.

Adjes chi djanel pe kon avla anda Stockholm ande kadi exibitcia, kado dikhela akanak e buchiaki grupa thaj von dena propozalura pe kodol rom so avna andre anda Stockholm ande kadi exibitcia.

E exibitcia boldela pe anglunimastar ternenge, skolenge thaj khaj specialne buchiake grupi numa avla puterdo savorenge so kamna te aven te dikhen kado.

Kado kerel pe te malavel pe tele e stereotipicne patretura so si karing e rom thaj sar te malavel pe tele o antiziganismo.

Pa jekh skurto vrama dela forum för levande historia informatci khaj e skoli so si ande stockholoski regiona thaj o Joakim Scheele pachal ke but manush avna lende sako djes te dikhen thaj te shunen pa exibitcia "Vi är romer" thaj von planulin te keren 2 workshops sako djes tela kadi exibitciaki vrama ando Stockholm.

Vi ando Stockholm kerna rom buchi kusa e exibitcia sar pedagogura sar khaj kernas e rom ando göteborg. Joakim Scheele phenel ke von rodena pa na buteste manushen so birina te keren buchi kusa e exibitcia thaj ke von mukhena maj but informatcia pa kado po arbetsförmedlingen.

Von rodena anglunes 1 manushes pe 100 procenti thaj maj angle 2 manushen so kerna buchi pe 50 procenti.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".