E chavora po patreto naj pangle artiklosa Foto:TT

Dada thaj deja chi dikhen chavoren sar thule

"Chi dikhel pe thulipe"
4:18 min

So maj but manush si maj thule adjes ando Shvedo, sikavel jekh rodipe khatar folkhälsomyndigheten.

Ande palune 10 bersh thulile e manush khatar 11 procenti zhi khaj 14 procenti thaj maj but thuljion manush thaj len fetma mashkar e bersh 45 thaj 64 bersh.

Jekh kaver europako studia khaj sas but chavora dikle ande europa thaj 1800 chavora ando Shvedo ke dada thaj deja ghindon ke lenge chavora si normalne numa e chavora si za thule thaj shaj te len fetma maj sigo.

Akanak mangel vi e Susann Regber so si doktorand ande Sahlgrenska akademin te dikhen e dada thaj e deja penge chavoren kana von si cine te na len von fetma kana von avna maj phure.

Susann Regber doktorand anda Sahlgrenska akademin phenel ke si vazno te djanen e dada thaj e deja te si lenge chavora za tule ke kana djan e chavora khaj dentista phenel o dentista kana naj e chavoren lashi hygiena ando muj Susann Regber phenel ke trobuj te avel sa kade kana si e chavora za thule.

Sar si adjes ando shvedo si ekcera phares thaj känsligt kana vorbij pe pa chavorengi vaga - vikt thaj kodo kerel ke chi vorbij pe pa chavorengi vaga, kana vorbij pe pa chavora so si mashkar 2 - 9 bersh.

Susann Regber phenel ke sa e dada thaj e deja trobusardov te dikhen e chavorengi BMI kana e chavora djan khaj barnavårdcentralen.

BMI sikavel sar e manusheski vaga mezij pala e manushesko uchipe thaj kodo sikavel vaj o manush si za thulo vaj na.

Pala kodo kana e chavora si za bare te phiren ande barnavårdcentralen trobuj e skola te bishavel informatcia khere ke o dat thaj e dej chi dikhel kodo ke lenge chavora tuljion, phenel e Susann Regber maj dur.

Kadi studia sikadas vi kodo ke si diferentne kulturalne dikhimata po thulipe. Ande opruni thaj centralno Europa ghindonas dopash anda sa e dada thaj deja so sas ande studia ke lenge chavora so sas za tule sas normalne ande vaga.

Ande teluni europa ghindonas 75 procenti ke lenge thule chavora sas normalne ande vaga.

Zonfira si jekh romni so trajij ando Stockholm voj phenel ke si kulturalne krockura ande kadal buchia. Ke phares si te na del pe habe e chavorenge kana von si bokhale vi te si von ekcera za thule thaj pala kodo chi djanen sa e dada thaj e deja ke o habe so naj sasto shaj te thuljarel e chavores maj but.

Sussan Regber phenel ke naj lokho adjes e dadenge thaj dejange te kiraven lashio habe penge chavorenge ke but anda e dada thaj deja keren buchi thaj kana von aven khere kiraven von habe sigo thaj kodo habe naj mindik kasavo sasto.

Thaj vi e romni e zonfira phenel ke djanel ke si but rom so chi ushpejin te kiraven sasto habe e chavorenge numa phenel ke kodo si vazno te kerel pe ke sasto habe dela e chavoren zor thaj inkrela len vi saste maj angle vramasa.

Numa phenel ke vi te djanel pe kado si kado ekcera phares te kerel pe sako djes.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".