nationalno

Anefur: "Naj chaches ke si kriminalno grupi palal pala manush so mangen love pe droma"

Naj kriminalno gruppi pala manush so mangen love
5:46 min

Ando gaseta Metro shaj ginesas ke o Michael Anefur anda Kristdemukratura phenel ke naj kriminalne grupi palal pala le manush so aven ando Shvedo te mangen love pe droma, numa ke von aven ferdi ke von trajin jekh choro trajo ando pengi tema aj sumaven te kheren love pengi familjenge pala kudo ke si o puterdo evropaki granitsi.

Vo vi phenel ke jekh manush so mangel love pe droma chi lel majbut sar 1500 ji kaj 2000 kroni sako shon aj kadala love majbut jal pe medicini aj xabe.

O Michael Anefur la jekh butchi vaj uppdrag ando shon december ando bersh 2011 sar nationalno bikheresko samordnare vaj hemlöshetssamordnare khatar o regeringo aj lesko majbaro butchi sas kharing e manush so aven anda kaver tema te mangen love pe droma.

O Michael Anefur phenel amenge pe Radio Romano khatar vo la kado janglipe ke naj chi sosko ilegalno gruppi palal pala le manush so mangen love pe droma.

Butivar sas phendino ke kado si jekh organisovano kriminaliteto aj ke si kriminalno gruppi palal pala kado aj ke le manush so mangen love pe droma chi inkheren e love penge korkoro numa len le le kriminalno gruppi.

Me dem duma kon le majbare organicatsie so kheren butchi kusa kadla puchimata aj vi kon e politcia aj le bare myndigheter aj von phene ke kado naj ke si kriminalno gruppi so traden e manush khatka aj len e love lendar.

Majdur phenel o Michael Anefur ke nashtil o manush te avel jekh shel procenti seguro ke kadja si numa sar vo attcharel pe so phenel le bare frivilligorganisatcie naj kado problemo ke si kriminalno grupi palal.

O Michael Anefur phenel ando articlo ando Metro ke vo paroda pesko gindo pe te del o manush love vaj naj ka kadala manush so mangen pe droma.

Aj kadja phenel vo pe sostar vo paroda pesko gindo.

De but bersh ditchilo le manush so mangen love pe droma ando Shvedo numa anda gor sas shvedanoria korkoro so mangenas love aj attunchi me chi gindivas ke trubula e manush te den love pala kudo ke si jekh lasho jutimos ando Shvedo kadala manushenge sar for examplo o socialo.

Numa akana tala le ultimo bersha avile manush avrial o tem khatar chorore tema te mangen te shaj trajin andi pengi tema aj von chaches najlöen kanchi jutimos andi pengi tema aj anda kudo me gindiv ke o manush trubul te del love lenge te shaj trajin.

Vo majdur phenel ando articlo ke so vo janel si ke le manush so mangen pe drom len kharing 1500 aj 2000 kroni tala jek shon aj kado arisel ferdi te shaj kinen xabe aj te shaj traden love khere te shaj kinen medicini so trubun.

Michael Anefur jal angle aj phenel amenge so vo gindil si o sulutsia pe khado problemo aj ke le manush aven khatka ando Shvedo te mangen love.

E sulutsia si te kheren variso kharing o grundosko problemo so chachimasa si ke kadala manush beshen ando naj barvalo tema aj vi si jekh baro diskriminatsia andi kadala tema aj opral pe kudo but anda kadala tema si koruptovano aj kado si le pervi problemura so trubul te avel lashardo anglunes.

Pe agor phenel o Michael Anefur so vo khatar lesko positsia ando regeringo shaj kherel te avel maj feder kado situatsia. Sar for examplo te vasdel kadala puchimata  aj te ditchol kado problemo. Vo vi phenel ke sar for examplo e Rumunia akana sumaven te kheren variso kharing kado problemo so nas variso so von kherenas maj anglal aj kudo si michto.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".