Försäkringskassako generalno direktoro o Dan Eliasson. Foto: Björn Ericsson / TT
Nationalno

Dan Eliasson vazdas arachi attencia po Twitter

E Försäkringskassako generalno direktoro o Dan Eliasson skirisardas arachi pe pesko Twitter-konto: "Normalnie inkrav ma kaj o socförsäkringen.

Ferik ke o Jimmie Åkesson ando debatto kherel ke shadav". Kado kherdas ke o sherutno anda le Sverigedomokratura o Jimme Åkesson skirisardas pe pesko Twitter "Nashtik avel accetovano ke jek generalno direktoro kade phenel sar o Dan Eliasson.

Von musajij te avel thele shudino pa buchi", skirisardas o Åkesson sar atveto karing o Eliasson. Thaj vi phenel ke e Eliassoneske tweets vaj skirimata vi si publicovani pe Försäkringskassaki internetoski-patrin thela e kochak Press.

O Dan Eliasson del anglal ande pesko skiripe pe socialno medija kana o TT vorbisarde lesa po telefono.

- O Jimmie Åkesson phenlas pa peski experiencia ando Sölvesborg thela 80-bersh. Me phenos pa muri experiencia angla e televizija, phenlas o Eliasson.

Thaj kana avel kaj e Jimmie Åkessonosko kravo o te shuden le Dan Eliassones pa buchi, phenel vov "ke o SD-sherutno shaj gindoj sar ferik kamel"

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista