1 av 2
EU parlamento
2 av 2
EU-flagga Foto: Markus Schreiber/Scanpix
EU-shkola

Europako parlamento

Europako parlamento
4:47 min

Ande europako parlamento si 754 manush - ledamöter thaj ande europako parlamento si 7 politicne grupi, khonika anda kadal grupi birij te lel krorkori jekh majoriteto ando alosaripe thaj kodo kerel ke e grupi musaj te djan khetane te kamen von te nakhaven jekh propozalo ando EU.

Europako parlamento naj sar shvedicko nationalno parlamento - riksdagen.

Jekh bari diferencia si kodo ke naj jekh chachi regeriungoski righ khaj inkrel e zor thaj jekh opozitcia so zumavel te malavel tele e zor.

Shaj te phenel pe ke e Europako parlamento si sar jekh bari opozitcia karing e europaki komisia so kerel kriticno buchi te dikhel perdal e propozalura so e Eu-komisia del.

Thaj kado kerel ke e parti musaj te djan khetanes ande diferentne pushimata te kamel pe te nakhel jekh zakono vaj te na nakhavel jekh zakono ando EU.

Europako parlamento inkrel pe ande 7 politicne grupi thaj sako themeske politicne parti ulaven pe andre ande kadal 7 grupi.

Kodo znacil pe ke vi te inkren e shvedicka politicne  parti khetanes ande regeriungo vaj ande opozitcia ando shvedo beshen von ulade ande kaver grupi vaj khetanes ande Europako parlamento thaj inkren jekh righ kote thaj kaver ando regeriungo.

Pala paluno Eu-alosaripe si e maj bari grupa ande Euroapko parlamento kusa 271 thana  e Europeiska folkpartiets grupa - EPP khaj beshen maj but  Kristdemokratura anda europa thaj uni konservativne parti.

Kate beshen e Shvedicka parti Moderaterna thaj e Kristdemokraterna.

Pala kadi grupa avel Progresiva förbundet av socialdemokrater och demokrater S&D khaj inkren 190 thana khaj inkren pe e socialdemokraticne parti thaj kaver parti so inkren kodol ghindura.

Kate beshel socialdemokraterna anda Shvedo.

Pala kadal duj grupi si maj cine politicne grupi thaj e maj bari cini grupa si e Alliansen liberaler och demokrater för Europa - ALDE kusa 85 thana khaj beshen liberalne grupi thaj kate beshen e shvedicka grupi Folkpartiet thaj Centerpartiet.

E grupa E zelene - gröna/Europeiska fria aliansen - Zelene/EFA kusa 58 thana kadi grupa si ekcera uladi ande integratciako pushipe.

Kate beshen Miljöpartiet thaj Piratpartiet khaj las duj thana ande paluno Eu-alosaripe thaj chi inkrel than ande regeriungo ando Shvedo.

E grupa ECR - khaj si Europeiska konservativa thaj reformistura si jekh nevi grupa khatar 2009 kusa 52 thana inkrel Eu-skepticne ghindura thaj kate naj chi soske shvedicka parti.

Vänsterpartiet thaj kaver parti khaj sas maj anglal komunisticne djal tela e grupa GUE/NGL kusa 34 thana khaj si te avel Europeiska enade vänstern thaj Nordisk grön vänster.

Kadal si zurales Eu-kriticne.

E grupa EFD - e grupa po frihet thaj demokrati ande Europa inkrel 34 thana thaj si panglo partienca khaj si zurales kriticne karing EU thaj inkren vi univar populisticne ghindura ande pengi partia, sar exemplo Dansk Folkeparti thaj Sannfinländarna.

Kate naj chi soske shvedicka parti.

Po agor si jekh grupa khaj bushiol GL - grupplösas grupp, khaj si 30 thana khaj naj chachimasa jekh grupa feri si pangli partienca vaj manushenca anda parti khaj chi kamen vaj nashtik te aven andre ande kaver parti. Kate si sar exemplo e francuzicko Front National khaj sas kerdi khatar o Jean-Marie le Pen khaj si jekh populisticnom zurales nationalisticno thaj xenophobiaki partia.

Kate naj chi soske shvedicka parti.

Kana aven e alosarimata ande europako parlamento musaj e parti te djan khetanes ke te na djana e parti khetanes ande diferentne pushimata chi birina e propozalura te nakhen perdal so aven sar propozalo khatar EU-komisia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".