Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Reaktci anda Shvedo pa Ukraina

Publicime måndag 3 mars 2014 kl 11.41
Shvedicka reaktci
4:41 min
Jekh djuvli ando Krim angla soldatura so phandaven o drom tele. Foto: Viktor Drachev/TT

Ande paluno kurko parudjilas o parlamento ande Ukraina thaj kado kerdas ke Russia gelas andre ande Ukraina. But ukrainitska militarne bazi po Krim si akanak inkerde khatar rusitska ketani/askera. Thaj adjes khiden pe Eu:s utrikesministrura pe jekh krisako khedipe te vorbin pe pa e situatcia ande Ukraina.

Shvedo chi zurarel peske militarne buchia anda kado so kerel pe ande Ukraina phenel o Statsministro Fredrik Reinfeldt.

Statsministro Fredrik Reinfeld phendas arachi ande shvedicko radio ke o shvedo chi zurarel peski militarno zor akanak anda kodo so kerel pe ande ukraina, anda kodo ke e historia sikavel ke kana varikon sikavel peski zor sikavel vi kaver righ zor thaj kodo shaj te vazdel maj but holji.

Kado komentari vazdas vi reaktci.

Wilhem Agrell khaj si profesori ande underrättelse analyza phenel ke kado so o Statsministro phenel si chudno ke ande jekh righ vorbij vov pa shvedicko armia thaj pe kaver righ vorbij pa e rusitsko agresia karing Ukraina.

Statsministro Fredrik Reinfeldt phendas vi ande o intervju ke si varikhaj jekh acharipe so Rusia kerel ke si jekh minoriteto khaj si rusitsko ande Ukraina thaj ke e Rusia kamel te zhutij kodole manushen.

Vi pe kodo komentari reagulij o Willhem Agrell, vov phenel ke kado komentari sikavel ke o Shvedo aceptulij kodo so Rusia thaj ke pachal ke Rusia chaches kamel te zhutij peske manushen ande Ukraina.

Willhem Agrell kritikulij e Reinfeldtos thaj phenel ke kaver manush so djanen pe ande kadi buchi dikhen ke kado naj mishto.

Vi o utrikesministro Carl Bildt phendas arachi ande Shvedicko televizia ke kam naj kadi buchi kerdi anda e rusitsko minoriteto ande Ukraina.

Akanak vazdel pe vi vorbipe ando Shvedo so trobujas o Shvedo te kerel thaj te zurarel peski militarno zor.

Adjes vorbijas o Karlis Neretnieks ande P1 morgon, khaj sas maj anglal generalno majoro ando Shvedo thaj phendas ke o Shvedo trobuj akanak te dikavel puterdes ke o shvedo si solidarno kusa e baltikumoske thema thaj te phenel ke te kerla pe variso po baltikum ke shvedo zhutija len.

Ande adjesutno programo P1 morgon vorbijas vi o Allan Vidman khaj si Folkpartiako ledamot ande försvarsberedningen, vov phendas ke o Shvedo trobsardov te del maj but zor po Gotland ke kado than si vazno ande defencia ando Shvedo thaj kana variso kerel pe po Östersjön thaj Baltikum.

Allan Vidman phendas vi kodo ke Rusia zumavel akanak peski zor kusa agresivno politika, thaj phenel ke varikhon musaj anda e kaver thema te phenel ke trobuj te dostaj kodo so e Rusia akanak kerel.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".