Nationalno

RIKC site sicharen la skånepolicia pa romengi historia

O Romskt informations- och kunskapscenter site sicharen pala milaj la skånepolicia pa e romengi situacia thaj historia.

Angla o milaj line savore ande skånepliciako sherutne gruppi e buchi te ginaven e parni kenvja, kaj sikhavel e diskriminacia kaj le rom nakhle ando Svedo thela 1900-bersh.

Thaj akanak thela desh razura pala milaj site sichol e skånepolica kusa e kenvja khetanes kusa e buchara ando Malmö stads RIKC, phenel o Mujo Halilovic, sherutno ando RIKC.

Kadi edukacia si te avel jekhipe mashkar manush, te acharen manush ke si diferetni kulturi. Thaj majbut te vazdelpe e policiako pachape mashkar e citizentura, phenlas o Mujo Halilovic.

E edukacia si jek kotor anda kontrakto Vår framtid - Tillit, tillhörighet och ansvar, kaj e skånepolicia thaj o RIKC skirisarde thele angla milaj.

O goalo si ke si kaj o 2015 bersh te edukulin 500 policiaton pa romani historia.