Nationalno

Björklund kamel te pharuvel e shkolako zakono

O regeringo kamen te pharuven o zakono te avel slobodo vi le komuni te inkren internationalni shkoli, rapportulij e gazeta Sydsvenskan.

Pala o adjesutno zakono naj slobodo le komunenge te inkren internationalni grundoske shkoli kaj chi inkren o svedisko plano po sicharipe.

O edukaciako ministro o Jan Björklund phenel ande gazeta ke o pushipe sas dhiklo angla milaj thaj thela milaj thaj aknak kamen o rhodipe te zial pe remissa.

Vov phenen ke unji shkoli si ande problemura anda o adjesutno zakono, ferik ke importatnoj ke internationalni shkoli kusa edukacia pe anglishisko chib si te aven ande universitetoske forura kaj si but gostura kaj si rhoditora.

O nevo zakono si proposulime te del andre p angluno juli ando 2015-bersh, ferik ke o Björklund kamel e departementura akanak aba te dikhen po pharujipe.