Internationalno

Bildt majdur phenel ke nas hamime ande Saudi-businesso

O Ekot dine pe dosh o paluno bersh ke o Svedo zutisardas e Saudiarabia kusa planura te bodulin jek armijaki-fabrika.

Atunchi phendas o Carl Bildt ke vov  shoha chi las informacia pa kadi buchi. Ferik ke de cirka duj kurke kodoleske phendas o Ekot ke e regeringo nas securni kaj e projekta kusa e armijaki-fabrika thaj zumade te ashaven thele kado.

Ferik ke kana o Marcus Wallenberg ande jek lil skirisardas ke vazdaspe jek dar ande svediska businessura, pharudaso o regeringo pengo gindo.

Pala kado das o regeringo trin diferetni decisji le departementos FOI o te zian majdur kusa projekta.

E regeringoske decisji si kollektivni, kado znachij ke intregi ministerura si responsibilni pe jekhutne decisiji kaj len. Anda kodo trobujas o avrithemutno ministro te zianel.