Partiji naj ande zgoda pa Skånepolisens registra pe rom

4:51 min

Buth anda le riksdagspartiji si phuterde po proposalo te kheren maj ostro o zakono kharing le myndighets manush te avel maj lohko te kheren le ställa till svars.

Amen anda Radio Romano sas e chansa akanak angla o baro riksdagsvalet te pushas ame jekh pushipe khatar intregi riksdags partiji thaj alosardam pa Skånepolisens registra pe rom.

Po agor ando phaluno bersh konstatera o Säkerhets- och integritetsskyddsnämnden, SIN, ke le Skånepolisens registra pa rom sas iligalno, ale maj dur chi las konik o konsekvenso kharing kado.

Akanak buth anda le riksdagspartiji si phuterde po proposalo te kheren maj ostro o zakono kharing le myndighets manush te avel maj lohko te kheren le ställa till svars.

E Miljöpartiets språkrör e Åsa Romson phenel ke varesosko maj ostro zakono chachees trobuj ke tena avela atunchi le myndigheter ghindona ke maj dur shaj te kheren kasave djelura thaj tena len konsekvenso.

Skurto phala kado ke avilas avri e Skånepolisens registra pe rom vazdesas e policia jekh förundersökning od te den pe dosh kon sas o doshalo kaj e registra, ale o förundersökning shute thele phala kado ke o prokuroro phendasas ke chi biris te alos avri ferik jekhes vaj dujen doshalen ande registra khana phala djela sas bhutesa maj buth djene kaj urzivalinaspe la registrasa.

Kadi desizia vazdas bare na lashe reakciji kaj le rom thaj phene ke kado sas jekh baro skandalo ke konik chi las o konsekvenso pe kasavi bari iligalno registra.

Thaj akanak vi e Åsa Romson thaj o Jonas Sjöstedt anda Vänsterpartiet khamen te dhiken akanak pherdal o zakono od te araken avri vareso so kherela angle ande vrama maj lohko te vimagalis responsibilita khatar myndigheter so den thele pa drom aj kheren nasul buchi.

Phalem o sherutno anda Socialdemokraterna o Stefan Löfven phenas ke chi trobuj te pharuven le zakonura ke adjes si ando zakono ke naj slobodo te inkres registri save si pe etniska bakgrund kherdine thaj ke kado site avel respektovano, ale chi vov chi acharel sar konik chi las o konsekvenso pe registra.

Thaj sa kade acharel o sherutno anda Moderaterna o Fredrik Reinfeldt ke adjesutno zakono si dosta thaj virazno, ale o pushipe naj sa kade achardo mashkar le aliansake partiji.

Le Kristdemokraterna acharen vorta sar le Vänsterpartiet thaj Miljöpartiet ke musaj pherdal diklino o adjesutno zakono od te avel maj lohko te vimagalis responsibilita pe buchi kaj si iliaglno kherdini mashkar le myndighteter. Ale e Folkpartiet naj pevno inke thaj le Moderaterna thaj Centerpartiet phendine Nej.

Annie Lööf anda Centerpartiet phenel ke jekh policianto so kherel missbruka peski zor si jekh tjänstefel thaj maj buth naj so te avel ando paragrafo.

Le Sverigedemokraterna bronjin la policia anda Skånepolisen thaj phenen ke e policia musaj te inkren registri pe kriminalni manush thaj pe manush kaj phanglej lenca, thaj o sherutno anda partia o Jimmie Åkesson chi acharel ke trobun o zakono te pharuven, ale kana avel kaj e registra pa rom so sas kaj le Skånepolisen si leske pshikro ke konik chi las e dosh kharing late.

Thaj le intervjuer kherdas le partienca o Anders Lindberg thaj o Markus Landén anda Radio Sweden.