Internationalno

E defencia zianelas pa FOI:s planura

O Försvarsmakten, vaj e Svedisko defencia zianelas thaj sas zgodni pe FOI:s planura o te den o computerengo programo Egde kaj e Kina, sikhavel nevi informacia.

Arachi phendas o SVT:s Uppdrag granskning ke e rhodimasko departemento pe defencia vaj försvarsforskningsmyndigheten, o FOI securnie kherde businessura thaj negozaciji kusa e diktatura Kina o te biknen o programo, kusa anav "egde", kaj shaj avel hasnime ande themske neukliarni programura.

Thaj kado vi te si kade ke o them si inkherdo katar jek internationalno armijako embargo.

O FOI, hasninas e Kungliga tekniska högskolan, KTH, ande jek bulvan-businesso vaj sar jek hohavni firma o te biknen e o programo. Ferik ke inke nas kherdo varesosko businesso.

Thaj arachi kherdas kado ke e defenciaki ministerka e Karin Enström reagulisardas.

- Man sas jek khidipe kusa o generalno direktoro, thaj vov phendas mange ke naj varesokso fundamento pe kadal bucha, thaj vi informulisardas man ke nas corperacia anda kadal karaktero kaj shaj znachisardov ke informulisardov e regeringos, phenel e Karin Enström.

Thaj adjes site avel andre neve informacia pa kado.

O departmento pe defencia vi zianenas thaj zgodzisajle pe FOI:s planura te den o programo Egde kaj e Kina pa e Kungliga tekniska högskolan.

Jek dopash bersh angla o FOI:s generaldirektoro Jan-Olof Lind skirisardas thele o kontrakto pa Edge, sas bishade pushipe te mukhen o KTH te licensulin o programo la Kinake.

Ando februari ando 2012-bersh das o Försvarsmakten peski permisia, phenel o SVT:s Uppdrag granskning.

O Försvarsmakten vi skirin ande pesko atveto ke jek licensia la Kinake, thela lungo vrama shaj del le accesso pe zianglimata ande marimaske-airplanura, thaj ke o Egde thaj o KTH del possibilita pe jek buchi khetanes kusa e Kina.

O Uppdrag granskning, sas ando kontakto kusa o Försvarsmakten sherutno pe informacia o Erik Lagersten kaj phenel ke o fundamento pelengi decisija avilas katar o FOI, thaj ke nas le sostar tena shunen pe lende.