nationalno

Cera avrithemutne manush den pesko glaso ando riksdags alosaripe.

3:47 min

So maj cera avri themutne manush den peske glasora ande shvedisko komunako alosaripe.

De sar 1970bersh cinjilas o alosaripe mashkar e avri themutne po dopash. Ando Eskilstuna komuna zumaven te vasden o alosaripe mashkar khadi gruppa thaj den bucha sar valinformatörer manushen kaj zanen but shiba.

Akhana kana avla o alosaripe kerna buchi 8 zene kaj dena informatsia pa alosaripe kaj si mashkar 18-25 bershenge thaj zanen te vorbin pe 14 ruzni shiba. Thaj von von avna kote po than kaj si maj cera manush kaj alon, penel e Helena Andersson Tsiamanis kaj si anda Eskilstuna komuna.

Te biris te des glaso ande komuna thaj landsting alosaripe dostaj te trajisardan trin bersh ando Shvedo, ahle sajek ferik jekh trito kotor anda intregi shvediska avri themutne citezentura len kodi chansa.  Ando 2010 bersh dine ferik karing 35 procenti manush pesko glaso.

Kodol kon den glaso ando alosaripe naj chi dopash kade but sar khana sas dine rösträtt ando 1970 bersh thaj o Magnus Dahlstedt professoro ande etnicia ando Linköpings Universiteto , penel ke kaj cinjilas kade e cifra kusa manush kaj den pesko glaso si dosh le themeske politikon.

-naj dosta motivatsia mashkar kodol kaj site alon, penel o Magnus Dahlstedt.

Vof penel ke kaj si kade njisko o valdeltagandet  si ke za cera informatsia den sar te alos, so le parti kamen thaj sar shaj o manush te del efekto ande lokalni alosarimata.

Nasra Hassan Ali ande Eskilstuna avilas ando shvedo 7 bersh kodoleske. Voj penel ke voj chi atjarelas kanshi kana sas o alosaripe ando 2010 bersh, ahle ke sajek das glaso ke pende lake kanditatora kaj aven anda Somalia te del pesko glaso pe lende.

Kado bersh voj chi zanel chi dela pesko glaso ando alosaripe.

Kado bersh dof feri moro glaso chaches te atjarof pa soste djal, kade chi dof.

Ando agurotno bersh birisarde ande Eskilstuna komuna  te vasden o alosaripe ke denas informatsia maj feder kodolen kaj trajin ande komuna. Denas avri informatsi ande föreningora thaj sas le valinformatörer ando foro kaj vorbinas pe maj but shiba.

Tahj ande onji distriktora barile glasora kusa 10 procenti.

Jekh anda komunake valinformatörer kaj del informatsia pa alosaripe si o Simon Ali Dirie anda Somalia. Leski buchi si te pirel krujal thaj te vorbij manushentsa pa alosripe thaj te del informatsia te birin te den pesko glaso pe kodi partia kaj ilij lenge.