Internationalno

Naj gata save kundura si kaj o FOI ande kaver thema

Le agorutne panch bersh kherdas o Totalförsvarets forskningsinstitut, FOI bucha le avrithemutne departementura thaj firmi pe cirka 250 milionura koroni.

Ferik ke kon sas lenge kundura naj inke gata thaj akanak vazdel pe o presso po departemento te sikhaven peske kundon phuterdes.

Anda kodo ke si le maj cera bidragura musajij o FOI adejs te finansulin 80 procenti anda peske bucha kusa uppdrag vaj bucha kaj den.

O maj baro kotor anda le love aven katar svediska defenciake departementura, ferik ke sako bersh biknel o FOI vi servisura avrithemutne departementonge thaj firmenge pe cirka 50 milionura koroni.

Politikura anda sol duj blockura akanak mangen zorasa ke ke kontrola ando FOI site avel zurardi pala kodo ke o Uppdrag granskning dine pe dosj kado kurko ke o FOI kusa o KTH sar mashkarutno vas ghele pherdal e svedisko linja o tena buchazin la Kinasa ande defenciake pushimata.