Saabs Gripen NG-aeroplano. Foto: Stefan Kalm / TT.

Saab thaj Brazilia dine vast pa kontrakto

Defenciako konserno Saab thaj Brazilia skirisarde tele jekh kontrakto te produktulij o Saab 36 Gripen NG- aeroplanura khaj Brazilia.

Kado si jekh njeripe pe 39,3 miljardura koroni, phenel e firma ande jekh pressmedelande.

Ando december ando bersh 2013 las e Brazilia decizia ke Gripen Ng-aeroplanura avna e themeske marimaske aeroplanura. Pala kodi data sas negosiatci mashkar Saab thaj brazilia thaj adjes dine kadal duj righa vast pe kado kontrakto.

E anglune leveransura pe kadal marimaske Gripen Ng-aeroplanura avna varikhana tela o bersh 2019 thaj sa avla gata ando bersh 2024.

Pasha kodo skirisarde kadal duj righa telal jekh kontrakto pa indistrijalno koperatcia so djala 10 bersh.

Akanak ashilas feri o Saab te lel exportoski permisia pe sa kadal buchia thaj e firma pachal ke sa avla gata tela e anglune 6 shon ando bersh 2015.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".