Kritika ke za but vrama si manush isolovane

Maj lashie konditcia pala FN kritika

Kriminalvården kerel jekh projekta te aven maj lashie konditci e manushenge so beshen po häkte, kado kerel pe akanak pala kritika so sas po shvedo lungo vrama khatar FN.

Maj but sar 500 terne manush so si tela 21 bersh beshle ande häktet kusa restiktci zhi khaj o shion augusti kado bersh. Kana si e manushen restiktci naj lenge slobodo te aven len kontakto kaver manushenca thaj beshen anda kodo isolovane but chasura sako djes.

Tela paluno bersh beshle maj but ar 120 djene kusa restriktci ando häkte maj but sar duj shon.

Shvedo las kritika khatar Fnosko komiteto pe tortyra pe e situatcia so kerel pe kana e manush beshen kade but ande häkte bi manushikano kontakto.

Akanak keravel pe jekh nevi buchi khaj kerla ke e manush so beshen avna ande kontakto manushenca 2 chasura sako djes thaj atunchi si o kontakto kusa e buchiara, yoga instrukterura, psykologura vaj manush anda diferentne organizatci.

Numa vaj kado zhutija e manushen te acharen pe mishto chi djanel pe inke numa kado avla dosta te na avel sar tortyra phenel e Åsa Wallengren so si projektledare pe kadi buchi ando Kriminalvården.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".