Shvedano sas avri mukhlo pa kidnaping

Jekh shvedano so sas kidnapovano (chordo) ande Syria maj anglal kado bersh sas avri mukhlo palakodo ke sas jekh suma love pochinde khaj e manush so les chorde.

But thema chi pochinen oficialno love numa vi kade kerel pe kodo inoficialno, phenel o terorexperto Magnus Ranstorp.

O shvedicko buchiari ande Läkare utan gränser kerlas buchi ande jekh bolnicia ande opruni Syria kana kado manush sas kidnapovano.

Kado manush sas atunchi te avel astarto kusa e kaver 22 djene khatar Islamska staten (IS) ande jekh temlicia so si te avel tela phuv, skrij New York Times.

Jekh anda e kaver manush so sas astardo kote sas o amerikanotsko journalisto James Foley so sas brutalno mudardo ande jekh video ando augusti.

Mashkar e shion mars thaj juni sas 15 anda kadal manush jekh anda kadal o shvedano mukhle kana summi pe opral 18 miljonura koroni aresle kote, phenel New York Times.

Shvedo phenel ke von chi pochinde chi soske love, phenel o utrikesdepartamento thaj sa kade phenen vi kaver statura.

Jekh anda e kidnapovane mansuh phendas khaj New York Times ke e chor djanenas save thema sas te pochinen thaj line lenca anglunes kontakto.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".