Ministro kamel te vazdel värnplikt

Defenciako ministro Peter Hultqvist kamel te dikhel vaj birij pe te vazdel pe palpale värnplikt - ketanija ande shvedoski defencia.

E dosh khaj kado si ke si problemo ke naj dosta love te del pe sa e ketani so si profesionalne ketani so len pochin pe kodi buchi.

Peter Hultqvist chi zumavla te malavel perdal o propozalo pa oppozitcia feri kamel te zumavel te lel jekh majoriteto ande intrego riksdagen te dikhel pe vaj trobuj pale värnplikt ando them.

Socialdemokraterna sas prociv kodo ke e obligatoricno ketanija - värnplikten sas tele lino ando bersh 2010, numa aceptulisarde kodo ke si profesionalne ketani.

Problemo si ke si phares a defenciake te pochinel savoren so keren buchi ande defencia thaj jekh kaver dosh si pala Hultqvist kodo ke but ketani mukhen penge buchia sar ketani pala 3-4 bersh.