Justieministro o Morgan Johansson Foto: Henrik Montgomery/TT.
Nationalno

Zakono karing marimaske tradimata site avel dhiklo sigo

Jek snabblagstiftning vaj jek zakono lino andre po sigo kaj chi mukhel svediska citizenton o te len udzalo ande marimata kusa terroristicni-gruppi site avel gata po kaver bersh, phenel o Justieminister.

Thaj vov vi gindoj o te anen andre jek totalno förbud vaj safsiom tena avel slobodo svendonge te marenpe ande kaver thema.

- Ame kamas te avel kriminalnie o te len udzalo ande treningura thaj maripe organizacijenge kaj si shutine pe terroristicni-listi katar o FN, phenel o nevo justitieministern Morgan Johansson (S) ande gazeta Sydsvenskan.

Sar jek anda peske anglune bucha sar minstro kamel o Morgan Johansson te kherel buchi kusa o kontroverisalno pushipe o te ashaven thele "jihad-tradimata".

O zakono site avel dhiklo sigo. Thaj le direktivi ande jek sigo investigacua site aven gata sigo varma thaj o zakono si zukardo ke avla po than aba ando 2015-bersh, skirij e Sydsvenskan.

O justieministro vi phenel ke shaj del pe gindo te zian jek paso majdur kadalesa thaj tena avel safsiom slobodo svendonge te len udzalo ande marimata ande kaver thema, ferik ke e investigacia pa kado pushipe lela maj lungo vrama.

Ferik o te cirden palpalpe lengo lil vaj citiztento te aven kodolenge kaj traden, vareso so si diskutulime ando Norvego, phenel o ministro ke naj pe agenda.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".