E kevnja kaj si skirime khatar o Ralf Novák-Rosengren thaj e Anita Santesson thaj njirisardas o Barnens Romanpris

5768 visningar på youtube las Barnens Romanpris

"Loshako sim, chi pachos ke lasam kado"
3:08 min

Ralf Novak Rosengren thaj e Anita Santesson skirisarde e kevnia 5768 visningar på youtube thaj kadi kevnia njerisardas Barnens Romanpris so Shvedicko Radio del pe maj lashi kevnja e terne chavorenge ando Shvedo.

Ral Novak Rosengren si loshako

Ralf Novak Rosengren si loshako ke leski thaj a anita Santessonaki kevnia 5768 visningar på youtube so von skirisarde ketanes.

Vov phenel ke vov soha chi pachanas ke von njerina kado baro priso Barnens romanpris, kado nas chi na ande lengi fantazia, kana von skrinas kadi kevnia phenel o Ralf Novak Rosengren maj dur.

E kevnia 5768 visningar på youtube si pa jekh romani chejori khaj bushiol Rosita thaj phirel ande skola, akanak sar kadi kevnia njerisardas kado priso ginavna maj but manush kadi kevnia ando Shvedo.

Ralf Novak Rosengren phenel ke vov kamel but manush te ginaven thaj te dikhen so e romane chavora nakhen ande skola, numa na feri e romane chavora ke kadi kevnia boldel pe khaj maj but manush. Maj but ternimata pindjarna pe thaj kadi kevnia birija te zhutij maj bute chavoren so phiren ande skola thaj nakhen nasulimata ande skola.

Kado ke o Ralf Novak Rosengren thaj e Anita Santesson njerisarde Barnens Roman pris si jekh pindjaripe, kado si baro, phenel o Ralf Novak Rosengren. Vov phenel ke vov kerdas kadi kevnia ando mishtipe thaj kamlov vi kade te avel kodolenge so ginavel kadi kevnia.

5768 visningar på youtube si e angluni kevnia so von skirisarde pa e romani chejori Rosita, akanak phenel o Ralf Novak Rosengren khaj Radio Romano ke kadi naj e paluni kevnia pa Rosita.

Vov thaj e Anita Santesson planulin te skrin maj but kevni pa Rosita maj cera inke 5 kevni.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".