Foto: Ekot
Nationalno

Svedo inkren la Palestina sar jek them

E avrithemutni-minsiterka e Margot Wallström phendas adjes zhojine ke o Svedo site inkren la Palestina sar jek stat vaj jek them. Thaj pe jek press-khidipe phendas voj o atveto pala kadi decisija kade.

- O sherutno atveto si ke  regeringo acharen ke le kriteriji o te avel e Palestina jek them si inkherde. Si jek territoria, si kothe manush thaj si jek regeringo. Thaj tena inkres la Palestina sar them, anda e Israelisko ockupacia le themeski ghelov karing o manushikano principo. O Svedo angla kodo inkherde statura sar e Kroatia ando 1992-bersh thaj o Kosovo ando 2008-bersh, vi tena nas kadale themen kontrolla pe unji riga anda lengi territoria. Thaj e Palestina sar kadal thema si jek specialno falo, phenlas e avri-themutni ministerka e Margot Wallström anda e Socialdemokratura.

E Wallström vi phendas thela khidipe ke o Svedo zal maj angle maj sigo sar o EU, ferik ke vi phenlas ke si adjes aba 130 thema kaj inkren la Palestina sar jek them. O Svedo avla o 135 them kaj inkren la Palestina sar them.

Ferik ke kadalesa avilas vi kritika karing o regeringo sar exemplo katar e oppozicia ke za sigo line e decisija, thaj ke kado kherel ke o Svedo aloj righ ando konflikto, ferik ke e Margot Wallström chi acharel ke si kade.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".