Demostartioner mot romregister.
Nationalno

Kritika karing oficialno FN raporto

"Kana ginavel pe kado, pachal pe ke sa si mishto"
3:18 min

Civil Rights Defenders kritikulij Shvedosko FN raporto, so sas bishado khaj o FN.
Kado chi sikavel sa thaj e rom thaj e samer chi pindjaren pe ande kado.

Kana ginavel pe o rapporto shaj o manush te pachal ke mishto si ando Shvedo, numa kade naj.

E rom thaj e samer chi acharen pe mishto thaj kado chi sikadjiol pe ande kado raporto phenel o John Staufer so si chefsjurista ande Civil rights defender.

Kado raporto sikavel feri kodo so o shvedo kerel te lashiarel problemura numa chi vazdel kanchi pa e problemura thaj kado si chorres.

Jekh anda e buchia so sas zurales bare thaj so phagelas e romenge chachimata si e registra so e policia kerdas pa rom ande Skåne thaj pa kado naj kanchi andre ande kado raporto.

John Staufer phenel ke ande lengo skuggrapport so Civil rights defenders mukhen sikaven von vi kodo ke e rom nakhen maj but hatbrott ando Shvedo thaj ke phares si te ingrel pe kadal buchia ande shvedoski kris.

Thaj vi kado naj vazdino ande shvedosko oficialno raporto phenel o John Staufer.

Kritika si vazdini karing Shvedosko raporto ke o Shvedo vazdel e posetivne buchia ke Shvedo skirisardas jekh parni kevnia pa romengi historia thaj kodo ke o Shvedo vi andas andre jekh komisia karing antiziganismo.

Stefano Kuzhicov khaj beshel ande komisia karing antiziganismo phenel ke kado sas djukardo, ke o regeriungo chi kamel te meljarel pes korkori ande jekh raporto.

Stefano Kuzhicov phenel vi kodo ke kado sikavel savi diskriminatcia si ande struktura thaj pachal ke e komisia karing antiziganismo shaja te paruvel ekcera anda kadal buchia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".