Mjölk. Foto: TT
nationalno

Nevi studia pa tuth sikavel ke naj lasho le manusheske

Za but tuth si chores le manusheske
4:50 min

Manush kaj pen but tuth bararen o risko pe ileske nasvalimata thaj vi po maj sigo meripe, katik chi sikavel ke o tuth shaj zurarel o skeleto, thaj kado sikavel jekh nevi studia katar Uppsala universiteto

O Karl Michelsson kaj si professoro ande Uppsala ando rodimasko centrum penel ke le resultatura shaj avel kataro tudesko sukro ke si duj djelora ando tuth o glykoso thaj galaktos kaj shaj malavel avri negativnie pe manush ke pe djvjerora sikavel ke maj sigo puron thaj vi meren.

110.000 manush kaj sas ande peske bersh thaj vi maj pure ando Örebro, Västmanland thaj Uppsala linne partepisatcia ande kadi studia. Ande 80 thaj 90 bersh skirisarde von avri sastimaske lila, thaj le roditora ande khadi studia kezdisarde te roden koppling vaj chi si varisosko panglipe mashkar meripe, benbrott tahj che but tuth pel o manush.

O professoro Karl Michaelsson penel ke chi morshenge thaj chi djuvlange chi del o resultato supporto pe kodo gindo kaj si pa tuth, ke kaj si but D-vitamina thaj kalcium , zurarel o skeleto vaj ke maj pares padjon le kokala majsigo sikavel ke kon pel but tuth maj letko len inflamation.

O resultato pe djvla pala 20 bersh sikavel ke kodol kon penas trin pochara tuth vaj maj but sar kodol kaj penas po jekh pochari  maj normalno sas mashkar le frakturora ande kokala.

Pe morsh dikle le resultatora phala 11 bersh thaj kote nas diferencia mashkar kodol kaj penas maj but vaj maj cera tuth.

Ileske nasvalimata sas o maj normalno meripe mashkar e djuvla thaj le morsh. Le djuvla kaj penas opral trin pochara tuth ande jekh djes dubbeltovo maj baro risiko sas po meripe sar kodol kaj penas feri jekh .

Ahle interesno sas chi sakasavo risiko sikavel o resultato vi ande kaver tutha sar shuklo tuth vaj yoghurto thaj vi kiral, O professor Karl Michaëlsson penel ke vi pe kodol dikle vi pe kasave produktora, thaj e resultatora thaj sikade maj lasho resultato ke cinjaren o risiko .

Thaj amenge sas interesno so penen le manush krujal pa kadi nevi studia, ke  mindig sas o gindo ke o tuth lashoj le manusheske kade ke vorbisardam la margoskasa te shunas laki reaktcia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".