Lokalerna dit asylsökande flyttats. Foto: Eva Elke/Sveriges Radio
Nationalno

Trubul paruvimos ando asylantosko sakonoria

Asylontosko azukherimos trubul te avel dikhlino
3:28 min

E siffra pe kudola so roden asylo so chi len patcha te beshen vaj shaj aven avri shudine anda o tem ando Shvedo si dublovano panshvar tala o ultimo ochto bersh.

Kado si problematichno phenel o Carl Bexelius ando Migrationsverket.

- Ame dikhlam jekh suralo vasdinimos bi te avel e siffri ando shero kado chi chuduilma ke marshol kadja phenel o Carl Bexelius.

De khatar o bersh 2006vasdape e sifri pe kudola so nashtin te aven shudine avri anda o tem numa ke line e desitcia ke si te aven avri shudine vasdape de khatar 1000 manush zi kaj 5000 manush.

Kado si pe e manush so line e desitcia pe lengi asylantoske rodipe ke nashtin te beshen aj musaj te mukhen o Shvedo, numa so pala differentni gor nashtin te aven avrishudine. Kado shaj avela pala kudo ke lengi tema chi khamen te len le parpale vaj ke nashtin te surjaren lengi identitetoria aj pala kudo nashtin te len tradimasko lila.

Jekh anda e goro ke e gruppa chi len chi butchi vaj te roden kher ando Shvedo si vasdino kadja surales si pala jekh sakono so si pansh bersh purano andi migratciako krisi phenel o Carl Bexelius so si biträdande chachimasko cherutno ando Migrationsverket.

Angla kudo but anda kudola so nashtinas te aven shudine avri anda o tem tala schtar bersh line patcha te beshen ando Shvedo numa akhana ashen andi ingemansland zi kaj aven avri shudine pesor.

Kado si jekh problemo bi jekh vuchoro sulutcia phenel o Carl Bexelius.

- Me gindiv ke kado si jekh puchipe pa resursoria aj jekh puchipe pa prioritatsia. Aj pe agor vi si jekh politichno puchipe te si ke khamen te den love kaj e politcia te shaj kheren butchi pe kado drom, numa khatka naj selutcie so si vuchoro phenel o Carl Bexelius.

O Vänsterpartiako  migratsiako politchino vorbitoro e Christina Höj Larsen si kritichno ke si kadja but manush so si andi kado situatcia aj gindil ke trubul te avel dikhlino o sakono pe avrishudinimata te shaj lel kado gruppa vi butchi aj kher tala e vrama so roden asylo ando Shvedo.

Vi khamel te dikhel jekh maximosko granitca pe sodi shaj azukherel o manush asylo ando Shvedo angla te lel pacha te beshel.

- Me gindiv ke kado surales tribul. Naj mishto ke manush trajin kadja aj chi naj mishto e temeske pe bari ke manush ashen avrial amaro tem aj musaj lenge te trajin pe surales teljarde djesengiputchin. Vi von aj vi o tem chasarel pe kado phenel e Christina Höj Larsen.

O Radio Sweden sumade te astaren o migratsiako ministro Morgan Johansson te len jekh komentaro.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".