Polisen på plats vid arbetsplatsen i Hjorthagen. Foto: Anders Hildemar Olsson / Sveriges Radio

Duj djene mulje pe buchako than

Incidento pe buchako than ando Stockholmo
4:12 min

Aratchi duj manush hasarde pengi trajoria aj jekh sas zurales dukhado andi jekh butchiko incidento ando Hjorthagen ando Stockholmo, penel o räddningstjänsten. Akana o buchako than si phanado thaj kerolpe investigacia sar alope dji ko incidento. 

Gindo sostar achavdam e buchi te na djal maj dur ando kava buchako than si kaj sas amenge musaj te dikha maj pashe vi ke javer thana po than te na kerdjolpe jekh javer incidento phenda gade o representanto katar o Arbetsmiljöverket o Kersim Ivesic.

Palal o incidento savo kerdjilope erachi tetehar katar o 9 o chasori kana pelo telje 50 tonia pharo modulo kaj e buchi kerol e firma Fortum von po than kerena jekh kraftvärmeverk ando Hjorthagen ano Stockhomo ano buchako than mulje po than duj persone, buchara save aven katar e Polska thaj vi jekh djeno zuralje maldape thaj si dukhavno andi bolnica.

Odoljestar o Arbetsmiljöverket rodol maj but rensposibilita katar o sherutno e projektosko o energibolag-vaj firma e anvesa Fortum. Thaj akana kana achavde e buchi dikholpe maj pashe ke javer thana te na kerolpe varesave javer incidentia phenol o Kresimir Ivesic kotar o Arbetsmiljöverket.

E firma Fortum musaj te dikhol maj pashe kobor sigurno si te kerolpe buchi po than thaj, e buchara save keren te hacharenpe sigurno te na perol pe ljede o matrijalo kaj von keren piri buchi. Maj angngla musaj te kerolpe jekh maj pashe rizikosko dikhibe po than sar montirindjape o modulia kaj phiren e buchara.

E kritika avol vi katar o Facket Byggnads Stockholm palo akava incidento savo kerdape ando Hjorthagen, ano Stockholmo. Von ani piri kritika phenen kajvon chi hacharen kaj chi kerde jkeh kolektivno kontrkato savo si ando regulo ando Shevdo pehnol o Christian Bengtzelius.

Chi hacharav kaj von kerde gade, kaj ljen chi sas kolektivno kontrakto pe jekh gade baro buchako than, amare membria save keren buchi pashe akava than dikhena kaj von kerena buchi pe javer metode save naj ando regulo e shvedosko thaj kaj ljen sas vi javer presime vramaki sheme te resen te agorin i buchi pheda o Christina Bengtzelius. Pa e kritika savi dlape kaj e fima Fortum chi sa kolketivno kontarkto kaj kerdilope o incidento o hållbarhetschef Ulf Wickström phenda gade.

Amen si kolektivno kontrakto thaj amen ikerape ke regulia e shvedoske vi kana keras buchi e javer fimenca katr e javer thema phenda o Ulf Wickström. Numa sar chachimastar o incidento kerdilope vadje chi djanolpe, akana vi e policia lape te kerol e investigacia thaj o buchako than ka avol phando dji na dikholpe sostar thaj sar ulo o incidento.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".