Sheraton Stockholm Hotel. Foto: Caroline Tibell/TT.
Nationalno

DO del opre Sheraton Hotel pa diskriminatcia

DO den opre Sheraton Hotel anda diskriminatcia
5:01 min

Aratchi ando Radio Romano shaj ashunenas sar o DO diskrimineringsombudsmanen si te den opre o Sheraton Hotelo ando Stockholmo aj te vasden jekh case kusa e Diana Nyman so si ordörande ando Romska rådet ando Göteborgo pala kudo ke von atcharen ke voj sas diskirime khana sas te xal frukost ando hotelo khana voj sas pe visita ando Stockholmo.

E Ulrika Holfelt si juristo pe o DO aj phenel kadja pe sostar o DO vasdel kado majdur.

E Ulrika Holfelt anda DO phenel ke kado si jekh typitchno situatcia so e rom nakhen khana den andre andi hoteloria, resturanoria vaj levchi aj direktno si vasdine gindoria kharing lendo vaj vi si puchline pe so von kheren kotche.

Voj majdur phenel ke o hotelo phenen ke kado sas ferdi jekh rutinako kontrollo te dikhen ke voj sas gosto pe o hotelo. Numa voj phenel majdur ke o DO dikhel uni surkomstancoria so sikhavel ke voj sas lino sama pe jekh kaver drom sar e khaver gostoria aj kado si pala lako etniciteto.

Kadja phenelas amenge e Diana Nyman adjes khana dam duma lasa pe sar voj atcharelpe pala kudo ke o DO den opre o Sheraton hotel pala kado incidento.

Diana Nyman phenel ke voj si loshaki anda kudo ke o DO chi mekhel kado aj ke vasden kado aj ke kado si importantno te avel opre sar e rom nakhen diskriminatcia sako djes pe but ofentliga tana. Voj vi phenel ke voj gindil ke avela avri variso michto anda kado.

Pe so voj gindil ke kado snatchil e kahver romenge ke o DO vasdel kado voj phenelas kadja.

E Diana ginil ke kado si importantno ke o Do vasdel kado anda kudo ke von de dumut chi vasde variso kusa rom aj ke pala kado von varisar sikhaven che puterdo si e diskriminatcia kharing e romen.

Pe kaj voj khamelas kado te arisel voj phenelas kadja.

Voj anglunes dikhel ke kado shaj del jekh upprättelse e romenge aj vi lake so nakhla jekh diskriminatcia aj ke pala kado maj seriosno si lino sama kado problemo so si pa diskriminatcia kharing e rom.

Pe agor e Diana phenelas amenge ke si dosta zanglipe ando DO pe e rom numa e butchi te arisen ka e rom naj dosta aj ke e rom anda kudo naj len patchaimos te den opre sa so nakhen pe jekh djesutno levelo. Voj vi phenel ke voj gindil ke trubul but majbut informatcia pa e rom kaj e gaze, o vitboken si jekh angluno paso numa pala o vitboken vaj parni kenyva sas incidentoria anda discriminatcia kharing rom aj kudo sikhavel ke naj dosta ferdi kudo kenyva.

O cherutno pe o hotello ramosarda jekh pressmeddelande ke von mangen surales jertimos khatar e Diana Nyman aj vi ke von akhana si te edjukin pengi personalno so kheren lende butchi pe sar te lenpe sama khatar lengo gostoria bi te atcharel varikon diskirime.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".