Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Internationalno

Barnens Ark zutin romane glati andi Gretcia

Publicime torsdag 6 november 2014 kl 11.14
Barnens Ark zutin e romane glati ando Gretcia
(7:34 min)
1 av 3
Barnens Ark i Roma-lägret i Korint Grekland. Foto: Barnens Ark
2 av 3
Barnens Ark på besök i studion. Phillip Larsen till höger i bilden. Foto: Veli Brijani Radio Romano
3 av 3
Barnens Ark på besök på Radio Romanos redaktion. Foto. Veli Brijani Radio Romano

O Barnens Ark si jekh humaniterno organisatcia bi relegiosno vaj politichno panglipe. O gindo kusa o stifto si te vasden aj te inkheren zutimasko verksamhet mashkar glati. Vorta akhana si jekh projekto inkherdo te zutin Roma-glati andi Gretcia.

Si zanglo ke si camporia so nakhen parimata vorta akhana sar si ekonomiako krisi ando tem. O distanso mashkar o majoritetno manush aj e rom ando Gretcia si baro aj von duj barion andi duj differentni samhällen numa ke si andi sa kudo tem.

O Phillip Larsen anda o Barnens Ark sas amende pe Radio Romano te del ame majbut pe lengi butchi so von kherde tala efta bersh andi jekh kommuna so akardjol Korints. Kotche si jekh Roma-comunity kaj vorta kherel butchi o Barnens Ark.

O Phillip phenel amenge pe lengi trin maj vashno butchia so von kheren andi kudo campo kaj trajin e rom.

O angluno so ame kherdam sas te vasdas jekh medicalno centro te shaj len e manush aj anglunes e glati e vaccini so trubunle.

O dujto so kherdam sas te vasdas jekh tan ando campo kaj e glati so phiren andi shkola shaj aven te ginen lengi lexi, aj kado kherel ke von khamen te zan parpale andi shkola pe teharin te sikhaven ke von kherde lengi lexi.

O trito si te das le aktivitetoria sar for examplo fotbollo, ame vasdam jekh fotbolosko chapato so khelen andi gratciako liga, numa te truno sas te vasdas klado chapato aj te avel le len diciplina adjes but maj feder si.

Majdur o Phillip phenelas mange ke o maj importantno vorba andi lengi butchi si patchaimos förtroende. Vo phenel ke surales pares sas khana von avile sar na rom andi kado campo so vuchem sas vasdino aj dikhenas pe lende aj chi atcharenas so von khamenas lendar.

Vo phenel ke uni anda e rom gindilas ke kado si gaze so khamelas te len lengi glati numa ke lengo gindo ferdi sas ke khamensa te zutin e glati te len edjucatsia.

Vo vi phenel ke but kriminalni gruppi, politikoria vaj religiosno manush sumaven te chirden kadala rom andre andi lengi butchia aj kado si jekh gor sostar o Phillip aj leske butchiako amigoria musaj sas te sumaven te sikhaven ke von naj chi jekh anda lende.

O Phillip sikhavel amenge jekh drama pe jekh terni romani tjej so trajil andi kado campo aj kaj vo puchel latar te si ke sasla e chansa te mukhel o campo sas te mukehl o tan?

E Natasha phenel ke voj surales mangelas te mekhel o campo ferdi te shaj len laki glati jekh maj feder trajo aj vi te shaj sikhavel jekh khaver rik anda e rom ke voj naj jekh chori manush.

O Phillip majdur phenel amenge ke pares si te inkheren kado projekto anda kudo ke e lovenge zutimos so von len naj dosta. Vo phenel ke von adjes len finanso khatar privatno finasororia anda Shvedo numa surales pares si lenge te len love anda jekh maj baro fondo.

Vo vi phenel ke shaj sikhaven resultatoria pe sar sas khana von arisle ando campo aj sar si e situatcia adjes. Aj kadja phenelas amenge pe sar sas aj sar si adjes numa ke inkhe si but butchi te kheren pe maj angle.

Si resultatoria so ame shaj sikhavas. Sar for examplo e shkoli kaj chi pirelas chi jekh romano glata aj adjes manaj tana andi shkola de but glati so phiren. O fotbolosko chapato so khelen andi ofecialno liga ando Gretcia.

Kham ame andi amaro generatcia chi arisas kadja dur so ame khamas numa ditchol polokes polokes jekh paruimos aj resultatoria.

Kado si jekh shukar chacho histroria numa kusa sako shkuar historia musaj te avel vi jekh negativno rik aj pe kado phenelas amenge o Phillip kadja.

O Phillip phenel ke si but aj baro kontra andi kado romano gruppa andi Gretcia aj vi ke but anda e mursh silen duj bare problemoria, jekh si ke si kriminalne aj o dujto si ke si drabengi.

Vo vi phenel ke o bi patchaimos kharing lende si baro mashkar e rom sostar e glati musaj te phiren andi shkola khana shaj kheren e butchi so lengi paporia aj daden vuchem kheren vaj kherde de but bersh.

Pe dujto vas si e temeske majoritetno manush so den opuchipe sostar zutin e romen aj na e kaver so trubun le zutimos?

Majdur phenel o Phillip ke vo gindil ke von arakhle jekh lasho drom vaj sulutcia sar te zutin e rom nuam ke si jekh lungo aj paro butchi inkhe te kheren. Vo vi phenel sostar vorta kado butchi si drago leske aj so vo lel khatar kado butchi.

Vo phenel ke vo de but bersh vuchem kherda huminitarno butchi manushentza so trubun zutimos andi but tema sar for exmplo andi Afrika aj dape gindo ke o problemo si vi andi Evropa vorta angla lengo nak aj sostar te na zan kotche te kheren butchi aj te zutin e manush.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".